Gvıneıanyń Olımpıadalyq quramy Tokıo Olımpıadasyna qatyspaıtyn boldy, dep habarlaıdy Egemen.kz.
Gvıneıanyń sport mınıstri Sanýssı Bantama Soý Gvıneıanyń Olımpıada komıtetine eldiń tórtjyldyqtyń bas dodasyna qatysa almaıtyny týraly resmı hat joldaǵan. Munysyn ol Tokıoda koronavırýsqa qatysty jaǵdaıdyń ýshyǵyp ketýimen túsindirgen.
«Bılik COVID-19-ǵa baılanysty sportshylarymyzdyń densaýlyǵyn oılaı otyryp komanda Tokıodaǵy Olımpıada oıyndaryna qatyspaıdy degen sheshim qabyldady», delingen hatta.
Keıbir derekterge súıensek, Gvıneıanyń Olımpıadaǵa qatysýdan bas tartýynyń bir sebebi – el bıligi sportshylardyń Japonııaǵa baryp-kelýine ketetin shyǵyndardy óteýge qaýqarsyzdyq tanytyp otyr.