Budan bir jyl buryn Qaraǵandydaǵy « Besoba» turǵyn úı kesheninde oryn alǵan jaısyz jaǵdaı búginde umytylýǵa aınaldy. Osyndaǵy qulap qalǵan bes qabatty úıdiń ornyna jańadan turǵyzylǵan mekenjaı boı kóterip úlgerdi.
Budan bir jyl buryn Qaraǵandydaǵy « Besoba» turǵyn úı kesheninde oryn alǵan jaısyz jaǵdaı búginde umytylýǵa aınaldy. Osyndaǵy qulap qalǵan bes qabatty úıdiń ornyna jańadan turǵyzylǵan mekenjaı boı kóterip úlgerdi. Burynǵysynan apat aldynda amalsyzdan ýaqytsha jataqhanalarǵa qonystandyrylǵan turǵyndardyń birqatary bul kúnde qaıta oralyp, baspanaly bolyp jatyr. Alǵash kelip qonys tepken Qalken Erjanovtyń, Aınur Tájibaevanyń otbasylaryna berilgendeı 294 páter daıyn tur.
Ashy oqıǵa sabaqsyz qalǵan joq. Úıdiń sapaly salynýyna basa kóńil bólindi. Tabany men irgetasy berik qalanyp, monolıttik karkastan quıyldy. Qurylys barysynda jumystyń barlyq erejeleri saqtalýy udaıy nazarda ustaldy. Úıdi paıdalanýǵa alýǵa memlekettik qabyldaý komıssııasy tarapynan da talap joǵary boldy.
Qazir «Shapaǵat» atalatyn osy shaǵyn aýdanda jańa turǵyn úı kesheni kúnnen-kúnge sap túzeı túsýde. Qalanyń bas kóshesi – Respýblıka dańǵyly boıyndaǵy qyratta qanat jaıǵan úıler turǵyndaryna barlyq áleýmettik-turmystyq jaǵdaılar jasalǵan ol óz aldyna bólek qalashyqqa aınalǵaly tur.
«Meıirim barda muń joq» deıdi halyq danalyǵy. Osy bir sóz mánine qonystanýshylar tikeleı kóz jetkizip, kóńilderine qýanysh nury quıylýda.
Aıqyn NESIPBAI,
«Egemen Qazaqstan».
QARAǴANDY.