«Naıdarov» JShS ónimderiniń Eýroodaq pen Azııanyń 16 eline ótimdiligimen birge básekelestigi de ósip otyr
О́ndiristi óńirdiń astyqty aımaǵy sanalatyn Osakarov aýdanynda búginde osy baılyq kózi arqyly jetistikterin shalqytýshy sharýashylyqtar qatary jyldan-jylǵa ulǵaıyp keledi. Osyndaı isti ilgeri bastyrýshylardyń ishinde «Naıdarov» JShS aldymen kózge túsedi. Budan tórt-bes jyl buryn artylǵan ónimdi ótkizýge qınalýshy seriktestiktiń endi ony qaıda da jóneltýge joly keń. Ásirese, dándi daqyldardyń túr-túrin ósirýge, eginshilikti ártaraptandyrýǵa barynsha betburys jasalýdan beri syrtqy rynokta básekelestikte mysy basym bola túsip otyr.
«Naıdarov» JShS ónimderiniń Eýroodaq pen Azııanyń 16 eline ótimdiligimen birge básekelestigi de ósip otyr
О́ndiristi óńirdiń astyqty aımaǵy sanalatyn Osakarov aýdanynda búginde osy baılyq kózi arqyly jetistikterin shalqytýshy sharýashylyqtar qatary jyldan-jylǵa ulǵaıyp keledi. Osyndaı isti ilgeri bastyrýshylardyń ishinde «Naıdarov» JShS aldymen kózge túsedi. Budan tórt-bes jyl buryn artylǵan ónimdi ótkizýge qınalýshy seriktestiktiń endi ony qaıda da jóneltýge joly keń. Ásirese, dándi daqyldardyń túr-túrin ósirýge, eginshilikti ártaraptandyrýǵa barynsha betburys jasalýdan beri syrtqy rynokta básekelestikte mysy basym bola túsip otyr.
Esik ashqan jyl da « Naıdarov» úshin jaǵymdy jańalyq ala keldi. Údemeli ındýstrııalyq-ınnovasııalyq damýdyń memlekettik baǵdarlamasyn iske asyrý boıynsha oblystyq úılestirý keńesiniń otyrysynda «Tary óndirýdiń jelisin iske qosý» jobasy qoldanylyp, qulashty keńeıtýge taǵy bir qadam jasaldy.
Bul joba bıyl, dálirek aıtqanda, qarasha aıynda oryndalýǵa tıis. Onda kózdelgendeı, ósirilgen daqyldardan budan bylaı qaraı seriktestiktiń óz kúshimen un tartylyp, daıyn ónim retinde satyp alýshylarǵa tikeleı usynylady. Munymen birge, jylyna 4 myń tonna tary, arpa, burshaq jarmasyn daıyndaý isi jolǵa qoıylady. Sóıtip, buǵan deıin zyǵyr egý kólemin kóbeıtip, kúnbaǵys ósirýdi de ulǵaıtqan sharýashylyqqa jańa paıdaly isti damytý tabysty esegeli tur.
– Astyq óndirisimen ǵana shuǵyldanyp kelgen seriktestigimizdiń álemdik rynok suranysyna oraı daqyldardyń ár túrin ósirýge kóńil bólýi ýaqyt talaby bolyp tabylady. Sonyń arqasynda Eýroodaq pen Azııanyń 16 eline ónimderimizdi ótkizýge múmkindik týdy. Eksport alynbas qamal emes eken. Kúni keshe armandaı kórinýshi edi. Bastapqy maqsatymyzǵa jettik. Budan arǵy mindet – ónimderimizdi odan saıyn ótimdi ete túsý, – deıdi «Naıdarov» jetekshisi Pavel Lýshak.
Seriktestiktiń eginshilikti de, eńbekti de utymdy uıymdastyra bilýdegi úlgili izdenisteri kóp. Máselen, 15 myń gektar egistik alqaptyń 85 paıyzy ylǵaldy uzaq saqtaý tehnologııasy boıynsha egiledi. Jergilikti tabıǵat ereksheligine beıimdelgen zyǵyrdy ósirýdi 4 esege ulǵaıtý da jaıdan-jaı emes boldy. Bul sharýashylyq rentabeldiligin bıdaıǵa qaraǵanda 2,5 esege kóterýge septigin bir tıgizse, óte ótimdi ónim retinde de tanyldy. Ol negizinen AQSh tutynýshylary suranysyna ıe. Osylaısha, seriktestik aımaqtaǵy aýylsharýashylyq qurylymdary arasynda basty eskporttaýshyǵa aınalyp keledi.
Aıqyn NESIPBAI,
«Egemen Qazaqstan».
Qaraǵandy oblysy.