«A» korpýsynyń memlekettik ákimshilik qyzmetshilerine rotasııa júrgizý qaǵıdalaryn bekitý jáne Qazaqstan Respýblıkasy Prezıdentiniń keıbir jarlyqtaryna tolyqtyrýlar engizý týraly
«Memlekettik qyzmet týraly» 1999 jylǵy 23 shildedegi Qazaqstan Respýblıkasy Zańynyń 18-1-babyna sáıkes qaýly etemin:
1. Qosa berilip otyrǵan «A» korpýsy memlekettik ákimshilik qyzmetshilerine rotasııa júrgizý qaǵıdalary bekitilsin.
2. Qazaqstan Respýblıkasy Prezıdentiniń mynadaı jarlyqtaryna tolyqtyrýlar engizilsin:
1) «Memlekettik qyzmet ótkerý tártibi týraly erejeni bekitý týraly» Qazaqstan Respýblıkasy Prezıdentiniń 2000 jylǵy 10 naýryzdaǵy №357 Jarlyǵyna (Qazaqstan Respýblıkasynyń PÚAJ-y, 2000 j., №15, 141-qujat):
joǵaryda atalǵan Jarlyqpen bekitilgen Memlekettik qyzmet ótkerý tártibi týraly ereje:
mynadaı mazmundaǵy 43-1-tarmaqpen tolyqtyrylsyn:
«43-1. Testileý resimderin tehnıkalyq qamtamasyz etýdi, memlekettik qyzmet personaly jónindegi avtomattandyrylǵan derekter bazasyn súıemeldeý men ákimshilendirýdi, memlekettik qyzmetshilerdiń derbes derekterin jınaýdy, óńdeý men qorǵaýdy Qazaqstan Respýblıkasynyń Úkimeti aıqyndaıtyn, daýys beretin aksııalarynyń (jarǵylyq kapıtaldaǵy qatysý úlesteriniń) júz paıyzy memleketke tıesili zańdy tulǵa júzege asyrady.»;
2) «Memlekettik bılik organdary júıesindegi kadr saıasatynyń keıbir máseleleri týraly» Qazaqstan Respýblıkasy Prezıdentiniń 2002 jylǵy 29 naýryzdaǵy № 828 Jarlyǵyna (Qazaqstan Respýblıkasynyń PÚAJ-y, 2004 j., №17, 212-qujat):
joǵaryda atalǵan Jarlyqpen bekitilgen Qazaqstan Respýblıkasynyń memlekettik saıası qyzmetshilerin jáne ózge de laýazymdy tulǵalaryn kelisý, qyzmetke taǵaıyndaý jáne qyzmetten bosatý tártibi týraly ereje:
mynadaı mazmundaǵy 4-1-tarmaqpen tolyqtyrylsyn:
«4-1. «A» korpýsynyń memlekettik ákimshilik qyzmetine jatatyn laýazymdarǵa taǵaıyndaý Qazaqstan Respýblıkasynyń Prezıdenti bekitetin «A» korpýsynyń memlekettik ákimshilik qyzmetshilerine rotasııa júrgizý qaǵıdalarynda kózdelgen tártipte josparly rotasııalaý sheńberinde júzege asyrylady.»;
mynadaı mazmundaǵy 5-1-tarmaqpen tolyqtyrylsyn:
«5-1. «A» korpýsynyń memlekettik ákimshilik qyzmetine jatatyn laýazymǵa rotasııalaý sheńberinde taǵaıyndaýdy kelisý resimine qajetti qujattar tizbesi Qazaqstan Respýblıkasynyń Prezıdenti bekitetin «A» korpýsynyń memlekettik ákimshilik qyzmetshilerine rotasııa júrgizý qaǵıdalarynda aıqyndalady.».
3. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2014 jylǵy 13 qańtar. № 721
Tolyǵymen
Qazaqstan Respýblıkasy Prezıdentiniń 2014 jylǵy 13 qańtardaǵy №721 Jarlyǵymen bekitilgen
«A» korpýsynyń memlekettik ákimshilik qyzmetshilerine rotasııa júrgizý qaǵıdalary
1. Jalpy erejeler
1. «A» korpýsynyń memlekettik ákimshilik qyzmetshilerine rotasııa júrgizýdiń osy qaǵıdalary (budan ári – Qaǵıdalar) «Memlekettik qyzmet týraly» 1999 jylǵy 23 shildedegi Qazaqstan Respýblıkasynyń Zańynyń 18-1-babyn iske asyrý maqsatynda ázirlengen.
2. «A» korpýsynyń memlekettik ákimshilik qyzmetshisin (budan ári – «A» korpýsynyń qyzmetshisi) rotasııalaýdy «A» korpýsynyń memlekettik ákimshilik laýazymyna taǵaıyndaý jáne odan bosatý quqyǵy bar adam (organ) (budan ári – ýákiletti adam) júzege asyrady.
3. Qazaqstan Respýblıkasynyń Prezıdenti laýazymǵa taǵaıyndaıtyn jáne laýazymnan bosatatyn «A» korpýsynyń qyzmetshisin rotasııalaý Qazaqstan Respýblıkasynyń Prezıdenti Ákimshiligi Basshysynyń usynýymen júzege asyrylady
4. Rotasııa mynadaı maqsattarda júrgiziledi:
1) memlekettik organdar qyzmetiniń tıimdiligin arttyrý, oblystyq mańyzy bar qalalardy, oblystardyń aýdandary men qalalardaǵy aýdandardy damytý;
2) sybaılas jemqorlyq quqyq buzýshylyqtarynyń aldyn alý;
3) «A» korpýsynyń qyzmetshileriniń kásibı jáne basqarýshylyq tájirıbesin tıimdi paıdalaný;
4) «A» korpýsynyń qyzmetshilerin kásibı damytý jáne olardyń basqarýshylyq quzyretin jetildirý.
5. «A» korpýsynyń qyzmetshilerin rotasııalaý olardyń kelisimimen jáne «A» korpýsynyń memlekettik ákimshilik laýazymdaryna (budan ári – «A» korpýsynyń laýazymdary) qoıylatyn arnaıy biliktilik talaptaryna saı bolǵan jaǵdaıda júrgiziledi.
6. Rotasııa mynadaı shemalardyń biri boıynsha júrgiziledi:
1) deńgeıaralyq («ortalyq – óńir», «óńir – ortalyq»);
2) óńiraralyq («óńir - óńir»);
3) sektoraralyq («ortalyq – ortalyq»).
7. Rotasııa sheńberinde «A» korpýsynyń laýazymdaryna taǵaıyndaýdy jáne (nemese) kórsetilgen laýazymdardan bosatýdy rastaıtyn qujattyń kóshirmesi laýazymdarǵa taǵaıyndalǵan jáne (nemese) laýazymdardan bosatylǵan kúnnen bastap úsh jumys kúni ishinde memlekettik qyzmet isteri jónindegi ýákiletti organǵa (budan ári – ýákiletti organ) beriledi.
8. Ýákiletti organ rotasııa júrgizý monıtorıngin turaqty negizde júzege asyrady.
2. Rotasııa júrgizý tártibi
9. «A» korpýsynyń memlekettik ákimshilik laýazymdaryna taǵaıyndaýdy jáne odan bosatýdy Qazaqstan Respýblıkasynyń Prezıdenti júzege asyratyn jaǵdaılardy qospaǵanda, «A» korpýsynyń qyzmetshilerin josparly rotasııalaýdy Qazaqstan Respýblıkasynyń Prezıdenti janyndaǵy Kadr saıasaty jónindegi ulttyq komıssııanyń (budan ári – Ulttyq komıssııa) usynymdary negizinde ýákiletti adamdar júrgizedi.
10. Ýákiletti adam «A» korpýsynyń qyzmetshisimen eńbek shartynyń merzimi ótkenge deıingi tórt aı merzimnen keshiktirmeı ýákiletti organǵa mynadaı usynystardyń birin engizedi:
1) «A» korpýsynyń qyzmetshisimen eńbek shartynyń merzimin uzartý;
2) «A» korpýsynyń qyzmetshisimen eńbek shartyn buzý;
3) «A» korpýsynyń qyzmetshisin rotasııalaýǵa usynym berý.
Ýákiletti adam «A» korpýsynyń qyzmetshisin rotasııalaý jónindegi usynystaryn osy Qaǵıdalarǵa qosymshaǵa sáıkes nysanda engizedi.
11. Ýákiletti organ osy Qaǵıdalardyń 10-tarmaǵynyń 2) jáne 3) tarmaqshalarynda kórsetilgen usynystar engizilgen «A» korpýsynyń laýazymdaryna kandıdattardyń tizimin jasaıdy jáne ony ýákiletti adamdarǵa joldaıdy.
12. Ýákiletti adamdar kandıdattar tiziminen osy Qaǵıdalardyń 10-tarmaǵynyń 2) jáne 3) tarmaqshalarynda kórsetilgen usynystar engizilgen árbir laýazymǵa bir kandıdatty tańdaıdy.
Ýákiletti adamdar qajet bolǵan jaǵdaıda kandıdattarmen áńgimelesý ótkizedi, ýákiletti organnan olardyń bilimi týraly málimetterdi, olardyń eńbek qyzmeti týraly qujattarynyń elektrondyq nusqasyn suratady.
13. Tańdalǵan kandıdattar boıynsha usynystar ýákiletti organnan kandıdattar tizimin alǵan kúnnen bastap eki apta ishinde ýákiletti organǵa joldanady.
Ýákiletti adam ýákiletti organǵa usynystar joldaǵany týraly tańdalǵan kandıdattarǵa habarlaıdy.
14. Eger ýákiletti adam usynylǵan kandıdattar tiziminen kandıdatýrany tańdamaǵan jaǵdaıda, ol ýákiletti organnnan kandıdattar tizimin alǵan kúnnen bastap eki apta ishinde ýákiletti organǵa tıisti negizdeme usynady.
15. Ýákiletti organ ýákiletti adamdardyń usynystary negizinde «A» korpýsynyń qyzmetshilerin rotasııalaý josparynyń jobasyn jasaıdy, sondaı-aq osy Qaǵıdalardyń 10-tarmaǵynyń 1)-2) tarmaqshalarynda kórsetilgen ýákiletti adamdardyń usynystaryn jınaqtaýdy júzege asyrady.
16. Ýákiletti organ osy Qaǵıdalardyń 14 jáne 15-tarmaqtarynda kórsetilgen materıaldardy ýákiletti adamdardan usynystardy alǵan kúnnen bastap eki aı ishinde Ulttyq komıssııanyń jumys organyna joldaıdy.
17. Ulttyq komıssııanyń jumys organy qajet bolǵan jaǵdaıda «A» korpýsynyń qyzmetshilerin rotasııalaý josparynyń jobasyna «A» korpýsynyń qyzmetshilerimen jáne ýákiletti adammen kelisim boıynsha:
1) «A» korpýsynyń qyzmetshileriniń qyzmetin jyl saıynǵy baǵalaý nátıjelerin;
2) memlekettik organdardyń qyzmetiniń tıimdiligin jyl saıynǵy baǵalaý nátıjelerin;
3) astananyń, respýblıkalyq mańyzy bar qalanyń, oblystardyń, oblystyq mańyzy bar qalalardyń jáne aýdandardyń jyl saıynǵy reıtıngteriniń nátıjelerin;
4) Qazaqstan Respýblıkasynyń Prezıdenti Ákimshiliginiń tıisti qurylymdyq bólimsheleriniń qorytyndylaryn jáne ózge de aqparatty eskere otyryp tıisti túzetýler engizedi.
Rotasııalaý josparynyń jobasyn kelisýdi Ulttyq komıssııanyń qaraýyna engizgenge deıin Ulttyq komıssııanyń jumys organy júzege asyrady.
18. Eger Ulttyq komıssııanyń sheshimimen ózgeshe belgilenbese, Ulttyq komıssııanyń jumys organy osy Qaǵıdalardyń 14 jáne 17-tarmaqtarynda kórsetilgen materıaldardy Ulttyq komıssııanyń qaraýyna «A» korpýsy qyzmetshileriniń eńbek shartynyń merzimi ótkenge deıingi bir aıdan keshiktirmeı engizedi.
19. Ulttyq komıssııa materıaldardy qarap:
1) «A» korpýsynyń qyzmetshisimen eńbek shartyn uzartý týraly;
2) «A» korpýsynyń qyzmetshisimen eńbek shartyn buzý týraly;
3) «A» korpýsynyń qyzmetshisin rotasııalaý týraly;
4) «A» korpýsynyń qyzmetshisimen eńbek shartyn buzý jáne ony «A» korpýsynyń memlekettik ákimshilik qyzmetiniń kadr rezervine alý týraly usynymdar shyǵarady.
20. Ulttyq komıssııa qajet bolǵan jaǵdaıda «A» korpýsynyń qyzmetshisimen áńgimelesý ótkizedi.
21. Ulttyq komıssııa maquldaǵan «A» korpýsynyń qyzmetshisin rotasııalaý jospary ýákiletti adamdarǵa joldanady.
22. Maquldanǵan rotasııalaý jospary sheńberinde «A» korpýsynyń qyzmetshilerin taǵaıyndaý «A» korpýsynyń qyzmetshilerimen eńbek shartynyń merzimi ótkenge deıin júzege asyrylady.
Eger «A» korpýsynyń qyzmetshisi rotasııa tártibimen úmittenetin laýazym rotasııa júrgizý sátinde bos bolmasa, onda «A» korpýsynyń qyzmetshisi kórsetilgen laýazym bosaǵanǵa deıin atqaratyn laýazymynda jumysyn jalǵastyrady.
«A» korpýsynyń qyzmetshilerimen eńbek shartynyń merzimi ótkenge deıin rotasııalaý josparyn maquldaý týraly Ulttyq komıssııanyń sheshimi bolmaǵan jaǵdaıda, Ulttyq komıssııa ne Ulttyq komıssııa ókilettik bergen jaǵdaıda – ýákiletti adam tıisti sheshim qabyldaǵanǵa deıin olar atqaratyn laýazymynda jumysyn jalǵastyrady.
«A» korpýsynyń qyzmetshilerin taǵaıyndaý qoldanystaǵy zańnamanyń talaptaryn eskere otyryp, maquldanǵan rotasııalaý josparyna sáıkes júzege asyrylady.
23. «A» korpýsynyń qyzmetshisin rotasııalaý josparynda kózdelmegen jaǵdaılarda rotasııalaý, eger sońǵy atqaratyn «A» korpýsynyń laýazymynda bolý merzimi keminde bir jyldy quraıtyn bolsa, júrgiziledi.
24. «A» korpýsynyń qyzmetshisine qatysty rotasııalaý josparynda kózdelmegen jaǵdaılarda rotasııalaý, onyń sońǵy atqaratyn «A» korpýsynyń laýazymynda bolý merzimi bir jyldan kem bolsa, Qazaqstan Respýblıkasy Prezıdentiniń kelisimimen júrgiziledi.
25. «A» korpýsynyń qyzmetshisinde alynbaǵan tártiptik jazasy bolǵanda, rotasııalaý josparynda kózdelmegen jaǵdaılarda rotasııalaý júzege asyrylmaıdy.
26. Rotasııalaý josparynda kózdelmegen jaǵdaılarda, «A» korpýsynyń qyzmetshisin memlekettik organ ishinde joǵary turǵan, tómen turǵan nemese máni teń laýazymǵa ne basqa memlekettik organǵa rotasııalaý júzege asyrylady.
Rotasııalaý josparynda kózdelmegen jaǵdaılarda, «A» korpýsynyń qyzmetshisin memlekettik organ ishindegi joǵary turǵan «A» korpýsynyń laýazymyna jáne basqa memlekettik organdaǵy «A» korpýsynyń laýazymyna rotasııalaý Qazaqstan Respýblıkasy Prezıdenti Ákimshiliginiń nemese ýákiletti organnyń kelisimimen júzege asyrylady.
27. «A» korpýsynyń qyzmetshisine rotasııalaý josparynda kózdelmegen rotasııa júrgizý jaǵdaıynda, rotasııa júrgizilgenge deıin jasalǵan eńbek shartynyń qalǵan merzimine jańa eńbek sharty jasalady.
28. «A» korpýsynyń qyzmetshisine rotasııalaý josparynda kózdelmegen rotasııa júrgizý jaǵdaıynda ýákiletti adam:
1) «Memlekettik bılik organdary júıesindegi kadr saıasatynyń keıbir máseleleri týraly» Qazaqstan Respýblıkasy Prezıdentiniń 2002 jylǵy 29 naýryzdaǵy № 828 Jarlyǵyna sáıkes laýazymǵa taǵaıyndaý jáne laýazymnan bosatý júzege asyrylatyn laýazymdarǵa ornalasýǵa úmitker «A» korpýsynyń qyzmetshilerin, Qazaqstan Respýblıkasy Prezıdenti Ákimshiliginiń sektor meńgerýshileri laýazymdaryna ornalasýǵa úmitker «A» korpýsynyń qyzmetshilerin rotasııalaý týraly – Qazaqstan Respýblıkasy Prezıdenti Ákimshiliginiń qaraýyna usynys engizedi. «A» korpýsynyń laýazymyna taǵaıyndaý Qazaqstan Respýblıkasy Úkimetiniń kelisimi boıynsha júzege asyrylatyn jaǵdaıda ýákiletti adammen aldyn ala tıisti kelisý júzege asyrylady;
2) osy tarmaqtyń 1) tarmaqshasynda kórsetilgen adamdardy qospaǵanda, «A» korpýsynyń laýazymyna ornalasýǵa úmitker «A» korpýsynyń qyzmetshilerin rotasııalaý týraly – ýákiletti organnyń qaraýyna usynys engizedi.
29. «A» korpýsynyń qyzmetshisine rotasııalaý josparynda kózdelmegen rotasııa júrgizý jaǵdaıynda, ýákiletti adam Qazaqstan Respýblıkasy Prezıdenti Ákimshiliginiń nemese ýákiletti organnyń qaraýyna mynadaı materıaldardy engizedi:
1) osy Qaǵıdalardyń qosymshasyna sáıkes nysan boıynsha «A» korpýsynyń qyzmetshisine usynym;
2) rotasııa sheńberinde taǵaıyndaýǵa «A» korpýsynyń qyzmetshisiniń kelisimi;
3) «A» korpýsynyń qyzmetshisiniń qyzmettik tizimi.
30. Qazaqstan Respýblıkasy Prezıdentiniń Ákimshiligi nemese ýákiletti organ osy Qaǵıdalardyń 29-tarmaǵynda kórsetilgen materıaldardy qaraý qorytyndysy boıynsha mynadaı usynymdardyń birin shyǵarady:
1) laýazymǵa taǵaıyndaý;
2) laýazymǵa taǵaıyndaýdan bas tartý.
Qazaqstan Respýblıkasy Prezıdentiniń
2014 jylǵy 13 qańtardaǵy № 721 Jarlyǵymen
bekitilgen
«A» korpýsynyń memlekettik ákimshilik qyzmetshilerine rotasııa júrgizý qaǵıdalaryna
QOSYMShA
«A» korpýsynyń qyzmetshisin
USYNÝ
(«A» korpýsynyń laýazymyna taǵaıyndaý jáne
laýazymynan bosatý quqyǵy bar tulǵa (organ)
toltyrady)
«A» korpýsynyń qyzmetshisiniń T.A.Á. _____________
Eńbek sharty merziminiń aıaqtalatyn kúni ___________
«A» korpýsynyń qyzmetshisin sońǵy úsh jyl ishindegi baǵalaý nátıjeleri ______________________________
Rotasııa sheńberinde usynylǵan laýazym (kórsetiletin laýazym, memlekettik organ jáne/nemese óńir sany úshten aspaıdy):
1) __________________________________________
2) __________________________________________
3) __________________________________________
Eger rotasııa sheńberinde laýazym usynylmasa, sebepterin kórsetý _______________________________________________________________________________________________________________________
Kelisemin: ___________________________________
(«A» korpýsynyń qyzmetshisiniń qoly, T.A.Á.)
_____________________________________________
«A» korpýsynyń laýazymyna taǵaıyndaý jáne laýazymynan bosatý quqyǵy bar adamnyń T.A.Á. (organnyń ataýy)
_____________________________________________
«A» korpýsynyń laýazymyna taǵaıyndaý jáne laýazymynan bosatý quqyǵy bar adamnyń qoly (organnyń ataýy)