Atyraý oblysynyń aýmaǵyna byltyrǵy qazannan beri Reseıden kelgen 54 qazaqstandyqtan koronavırýs ınfeksııasynyń belgisi anyqtaldy, dep habarlaıdy Egemen.kz.
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 27 shildede Atyraý – Astrahan oblystarynyń memlekettik shekarasyndaǵy «Qurmanǵazy» avtoótkeli arqyly 216 adam ótken. Onyń ishinde 32 jolaýshy men halyqaralyq júk tasymaldaıtyn 184 júrgizýshi bar.
«Memleketke shekaradan ótýge anyqtamasyz kelgen Qazaqstan Respýblıkasynyń 6 azamatynan alynǵan koronavırýs ınfeksııasyna qarsy PTR-test zertteýi teris nátıje kórsetti. Al, byltyrǵy 6 qazannan beri Atyraý oblysyna 56 996 adam, onyń ishinde 8 577 jaıaý júrginshi, 48 419 júrgizýshi kelgen. Oblys aýmaǵyna kirýge anyqtamasyz kelgen 355 shetel azamatyna tyıym salyndy. Sondaı-aq Qazaqstannyń 4 757 azamatyna PTR-testileý júrgizildi. Onyń ishinde 54 azamattan (49 júrgizýshi, 5 jolaýshy) COVID-19-dyń belgisi tabyldy», dep habarlady departamenttiń baspasóz qyzmeti.