Keshe Egıpette eldiń jańa konstıtýsııa jobasy boıynsha búkilhalyqtyq referendým bastaldy. Qujat eldi basqarýdaǵy áskerılerdiń rólin nyǵaıtady. Sondaı-aq, qujat jobasynda dinı prınsıpteri boıynsha saıası partııalar men birlestikter qurýǵa tyıym salýdy engizý máselesi de bar.
Islamshylar qazirdiń ózinde azamattardy referendýmǵa baıkot jarııalaýǵa shaqyryp otyr. Referendýmǵa eldiń 52 mıllıonnan astam adamy qatysady dep kútilýde. Daýys berý seısenbi men sársenbi kúnderi ótedi. Qujat 247-baptan turady, olardy eki aı boıy arnaıy komıssııa ázirlegen. Egıpettiń osynyń aldyndaǵy konstıtýsııasy 2012 jylǵy jeltoqsanda referendým arqyly qabyldanǵan bolatyn. M.Mýrsı bılikten qýylǵan soń, ol qujat ta kúshin joıǵan edi.
Keshe Egıpette eldiń jańa konstıtýsııa jobasy boıynsha búkilhalyqtyq referendým bastaldy. Qujat eldi basqarýdaǵy áskerılerdiń rólin nyǵaıtady. Sondaı-aq, qujat jobasynda dinı prınsıpteri boıynsha saıası partııalar men birlestikter qurýǵa tyıym salýdy engizý máselesi de bar.
Islamshylar qazirdiń ózinde azamattardy referendýmǵa baıkot jarııalaýǵa shaqyryp otyr. Referendýmǵa eldiń 52 mıllıonnan astam adamy qatysady dep kútilýde. Daýys berý seısenbi men sársenbi kúnderi ótedi. Qujat 247-baptan turady, olardy eki aı boıy arnaıy komıssııa ázirlegen. Egıpettiń osynyń aldyndaǵy konstıtýsııasy 2012 jylǵy jeltoqsanda referendým arqyly qabyldanǵan bolatyn. M.Mýrsı bılikten qýylǵan soń, ol qujat ta kúshin joıǵan edi.
Evtanazııaǵa Nıý-Meksıko soty da ruqsat berdi
Nıý-Meksıko shtatynyń soty evtanazııa jasaýǵa ruqsat berý jóninde sheshim shyǵardy. Mundaı sheshimdi 13 qańtarda sýdıa Nen Nesh qabyldaǵan.
Sottyń qaýlysyna sáıkes, jazylmas aýrýǵa dýshar bolǵan adam evtanazııa jasatýǵa óz erkimen barýy tıis. О́z kezeginde dárigerler sondaı emdelýshige ólimge soqtyratyn medısınalyq ýly dárini berýge quqyly. Qazirgi kezde Nıý-Meksıko prokýratýrasy sottyń sheshimine taldaý jasap jatqan kórinedi. Bul shtat evtanazııa jasatýǵa ruqsat bergen AQSh-taǵy besinshi shtat bolyp otyr.
Bosqyndar qatary kún sanap artyp keledi
Ońtústik Sýdanda qarýly qaqtyǵys bastalǵannan beri eldi tastap shyqqandar sany keıbir derekter boıynsha 60-66 myń adamnan asqan. ITAR-TASS agenttiginiń habarlaýynsha, bosqyndardyń kópshiligi kórshiles Ýganda aýmaǵynda ornalasqan.
Ońtústik Sýdanda janjal ótken jyldyń jeltoqsanynda bastalǵan edi. Qaqtyǵystar saldarynan bir myńnan astam adam opat bolǵan degen derekter bar. Al jergilikti qyzyl krest mamandary Ýganda eli Ońtústik Sýdannyń 47 myńdaı bosqynyn qabyldaǵanyn aıtady. Sondaı-aq, Efıopııa men Kenııadan pana tapqan bosqyndar da jeterlik. Eldegi iri sanalatyn eki taıpa kósemderi arasyndaǵy baqtalastyq osyǵan ákelip otyr.
Qysqa qaıyryp aıtqanda:
* Taıland oppozısııasy el úkimetiniń úsh kún ishinde otstavkaǵa ketýin talap etti. Bulaı etpegen jaǵdaıda olardy tutqynǵa alamyz dep «qorqytty».
* QHR tóraǵasy Sı Szınpın áskerılerge qyzmettik qajettilik úshin shetelderde shyǵarylǵan avtomobılderdi satyp alýǵa tyıym salatyn jarlyqqa qol qoıdy. Osyǵan sáıkes áskerıler tek otandyq avtokólikterdi paıdalanatyn bolady.
* Ońtústik Sýdanda paromnyń aýdarylýy saldarynan 300-ge jýyq bosqyn sýǵa ketken. Kópshiligi áıelder men balalar bolsa kerek. Oqıǵa Aq Nil ózeninde oryn alǵan.
* Máskeýde aqsha bopsalady degen kúdikpen Máskeý qalalyq polısııasynyń tergeýshisi ustaldy. Tintý kezinde odan 500 myń dollar tabyldy.
Rım Papasy motosıklin aýksıonǵa shyǵarmaq
Rım Papasy Fransısk óziniń «Harley-Davidson» motosıklin aýksıonǵa qoımaq. «Reıter» agenttiginiń habarlaýynsha, onyń bastapqy quny qansha ekeni qazirge belgisiz.
Biletinderdiń aıtýynsha, «Harleı» motosıkliniń naryqtaǵy baǵasy 12-15 myń evro aralyǵynda. Rım Papasy aýksıonǵa motosıklimen birge óziniń baıkerlik bylǵary kúrteshesin de shyǵaratyn sııaqty. Satylymnan túsken qarjy qaıyrymdylyq úshin jumsalady. Aýksıon Parıjdegi «Grand Palas» saraıynda ótedi. Rım Papasyna motosıkl men kúrtesheni ótken jyldyń maýsymynda «Harley-Davidson» kompanııasy syılaǵan eken.
Bedeldi gýbernatordyń basy daýǵa qaldy
AQSh-ta 2016 jyly ótetin prezıdenttik saılaýda respýblıkashylardan kandıdattyqqa laıyqty dep eseptelip júrgen Nıý-Djersı shtatynyń gýbernatory Krıs Krıstıdiń basy daýǵa qaldy.
Gýbernatorǵa «Sendı» daýylynyń zardaptaryn joıýǵa bólingen qarjyny basqa maqsatqa jumsady degen kúdik keltirilip otyr. Quqyq qorǵaý organdary oǵan qatysty tergeý-tekserý amaldaryn bastap ta ketken. Budan bólek osy jyldyń qańtarynda ol basqaratyn ákimshilik músheleri gýbernator saılaýynda Krıstıge qoldaý kórsetpegen Fortlı qalasynyń meri Mark Sokolıchten «kek qaıtarmaq» boldy dep aıyptaǵan kórinedi.
11557 áskerı qyzmetshi qaza tapqan
Ázerbaıjannyń áskerge shaqyrý jónindegi memlekettik qyzmeti Qarabaq soǵysy kezinde qaza tapqan áskerı qyzmetshilerdiń aty-jónderin jarııa etti. Tizimge jalpy sany 11557 adam kirgizilgen.
Eldiń atalǵan memlekettik qyzmeti Qarabaq soǵysynda qaza tapqandarǵa esep júrgizýmen aınalysyp kele jatqandary ótken jyldyń kókteminde ǵana belgili bolǵan. Vedomstvonyń málimetterine qaraǵanda, bul tizimge sol jyldary maıdan shebinen tys jerlerde, sondaı-aq, avtokólik apattarynan, basqa da kezdeısoq jaǵdaılarda qaza tapqan azamattyq tulǵalar kirgizilmegen. «Bul derekter Qarabaq soǵysy kezinde ázerbaıjandyq taraptan qaza tapqandardyń sany birshama az ekendigin kórsetedi» dep atap ótedi vedomstvo.
Internet materıaldary negizinde ázirlendi.