Almaty oblysyndaǵy jan-janýarlar álemi jáne ózen-kólder men erekshe qorǵalýy tıis ósimdikterdi qoryqshylardyń ózderi qurtypty. О́ńirdegi tabıǵat qorǵaý mekemeleriniń qyzmetine jappaı tekserý júrgizgen oblystyq prokýratýra qyzmetkerleri osyndaı qorytyndy shyǵardy. Bul týraly «Habar» telearnasy habarlady.
Prokýrorlar joǵaryda atalǵan qurylymnyń basshysynan bastap, tipti qarapaıym qoryqshyǵa deıin tazalaý jumysyn júrgizýdi usynyp otyr. О́ıtkeni, óńirdegi «Altyn emel», «Ile alataýy» sııaqty ulttyq qoryqtar men orman sharýashylyǵyndaǵy Qyzyl kitapqa engen ańdardy qoryqshylar brakonerlermen birilesip aýlaıtyny málim bolyp otyr. Naqty aıtqanda, prokýratýra qyzmetkerleri bir kúndik reıd kezinde talaı bylyqtyń betin ashqan. Máselen, Eńbekshiqazaq aýdanynda zańsyz ań aýlap júrgen bir ormanshy ustaldy. Alaıda, ol prokýratýra qyzmetkerlerine qarý kezenip, oq atqan. Aqyry ol qolǵa túskennen keıin qaraquıryqty atqanyn moıyndady.
Sonymen, tek jan-janýar emes, sekseýil men torańǵyt sııaqty sırek kezdesetin ósimdikterdiń otalýyna ormanshylardyń qatysy bar ekeni dáleldenip, 8 qylmystyq is qozǵalǵan. Sondaı-aq 7 tonna balyqtyń esh ruqsatsyz aýlanǵany belgili boldy. Tabıǵat pen jan-janýarlar álemine kelgen shyǵyn birneshe júz mıllıondap sanalady.
«Oblystyq tabıǵat qorǵaý mekemeleriniń 2013 jyldyń 11 aıyndaǵy esebine júginetin bolsaq, olar 126 ákimshilik quqyq buzýshylyq derekterdi anyqtap, úsh qylmys áshkerelegen. Demek, 600-den astam qyzmetkerdiń 1 aıda jasaıtyn jumysy tek 11 quqyq buzýshylyq qaýlysyn toltyrýmen shekteledi. Oblystyq prokýratýra organdarymen júrgizgen bir kúndik reıdtiń nátıjesinde 13 qylmystyq is qozǵalyp, 30 tulǵa ákimshilik jaýapkershilikke tartyldy. Osydan zańsyz ańshylyqqa qoryq qyzmetkerleriniń qatysy bar ekeni óziniń dálelin taýyp otyr», - deıdi oblystyq prokýratýranyń aǵa prokýrory Nurbosyn Maqashev.
Baqytbek Keneshuly.
Derekkóz: «Habar» telearnasy.
Foto: Uralinform. ru.