Aqmola oblystyq onkologııalyq dıspanseriniń dárigerleri týberkýlezdi qaterli isikpen shatastyrdy. Osynyń saldarynan jas qyz kemtar bolyp qaldy. Bul týraly Gazeta.kz habarlady.
Zardap shekken Aıgúldiń ózi meıirbıke eken. Osydan jarty jyl buryn onyń keýde tusynda túıinshek paıda bolyp, dárigerlerge qaralypty. Al onkologııa dıspanserinde qyzmet jasaıtyndar raktyń 3-shi satysy degen dıagnoz qoıǵan. Sosyn sol jerde hımııaterapııa alady.
«Hımııaterapııanyń ár kýrsy nátıjesiz boldy. Isik úlkeıip, iriń shyǵa bergen soń, bul jaıdy hımııaterapııamen emdeýshi Leıla Aıdarhanqyzyna eskerttim. Alaıda, ol qolynyń bos emestigin alǵa tartyp, meniń sózime qulaq aspady», - deıdi jábirlenýshi Aıgúl.
Kimge senerin bilmegen Aıgúl Almatydaǵy onkologııa ortalyǵyna barady. Ondaǵy dárigerler syrqat jandy jan-jaqty tekserýden ótkizdi.Sóıtse, onyń keýdesindegi iriń (mastıt) ábden keýlep, týberkýlezge shaldyǵýyna ákelip soqqan eken. Ári shashy túsip, oılaý qabileti nasharlaǵan.
Bul jaıtty teksergen medısınalyq baqylaý basqarmasy 3 dárigerge sógis jarııalaýmen ǵana shektelipti. Degenmen, istiń aq-qarasyn quqyq qorǵaý qyzmetkerleri tekserýde.
Baqytbek Keneshuly.
Derekkóz: Gazeta.kz
Foto: Medhaus.ru.