Qazaqstandyq tennısshi Zarına Dıas Avstralııa ashyq chempıonatynda taǵy da jeńiske jetip, kelesi kezeńge shyqty. Bul týraly egemen.kz tilshisi habarlady.
Ekinshi kezeńde ol álemniń 150-raketkasy, jańazelandııalyq tennısshi Marına Erakovıchpen kezdesip, qarsylasyn 6:4, 6:0 esebimen utty. Endi kelesi oıynyn Zarına rýmyn Sımona Haleppen ótkizedi.
Al qazaqstandyq taǵy bir tennısshi Galına Voskoboeva ekinshi kezeńnen óte almady. Ol álemniń 16-raketkasy, ıspan Karla Sýares-Navarrodan 6:7, 6:3, 6:8 esebimen jeńilip qaldy. Buǵan deıin jarystan Iаroslava Shvedova men Iýlııa Pýtınseva shyǵyp qalǵan edi. Sodan keıin olardyń jolyn erler arasynan Mıhaıl Kýkýshkın, Andreı Golýbev pen Aleksandr Nedovesov te qaıtalady. Olardyń bári alǵashqy kezeńnen ary asa almady.
P.S. Qazir Avstralııa ashyq chempıonaty ýaqytsha toqtap tur. Týrnırdi uıymdastyrýshylar Melbýrn qalasyndaǵy 40 gradýs ystyqqa baılanysty jarysty jalǵastyrmaýdy jón kórip otyr.
Týrnır ystyq basylǵannan keıin ári qaraı jalǵasady. Bul synda bizdiń eldiń bar úmiti qazaq qyzyna ǵana artylyp otyr. Osy jerde aıta ketetin nárse, joǵaryda jeńilgen tennısshilerimizdiń bári Qazaqstan Tennıs federasııasynyń qoldaýymen jarystarǵa qatysyp júrgen sportshylar bolsa, Avstralııa ashyq chempıonatynda úshinshi kezeńge shyqqan Zarına Dıas óz kúshimen ǵana jarystarǵa qatysyp keledi. Zarına mundaı úlken týrnırlerge áke-sheshesi bankterden nesıe alǵanda ǵana qatysady eken. Bul endi sóz retinde aıta ketkenimiz.
Dastan Kenjalın.
Derekkóz: http://www.ausopen.com