Qazaqstandyq úles qaıtse artady?

О́tken jyly О́skemende «Qýatty aımaqtar – Qýatty Qazaqstan» atty Pavlodar, Alma­ty, Shyǵys Qazaqstan jáne Qaraǵandy oblys­tary­nyń óńiraralyq ıntegrasııa forýmy ótkeni belgili. Forýmda oblystar arasyndaǵy baılanystardy keńeıtý jáne ózara is-qımyl týraly birneshe kelisimge qol da qoıyldy.

О́tken jyly О́skemende «Qýatty aımaqtar – Qýatty Qazaqstan» atty Pavlodar, Alma­ty, Shyǵys Qazaqstan jáne Qaraǵandy oblys­tary­nyń óńiraralyq ıntegrasııa forýmy ótkeni belgili. Forýmda oblystar arasyndaǵy baılanystardy keńeıtý jáne ózara is-qımyl týraly birneshe kelisimge qol da qoıyldy.Al, kelesi kezekte Pavlodarda bolyp ótken «Jergilikti qamtýdyń ósýi – bıznesti damytýdyń negizi» atty óńiraralyq forýmda joǵaryda atalǵan tórt oblysqa ortaq máseleler taǵy da nazarǵa alyndy. Basty maqsat – óńirlerdiń ózara baılanysyn arttyrý jáne qazaqstandyq úlesti kóbeıtý. Otandyq taýar óndirýshiler arasynda qazaqstandyq úlesti arttyrý týraly Elbasy tapsyrmasy bar. Jıynǵa elimizdiń Indýstrııa jáne jańa tehnologııalar mınıstrligi, oblystardyń ókilderi, óńirlerdi damytý ınstıtýttarynyń, «Qazaqstan temir joly» UK» AQ, «QazMunaıGaz» AQ, «Samuryq-Energo» AQ, «KEGOK» AQ, «Qazatomónerkásip» UAK» AQ, «Qazaqtelekom» AQ jáne «Qazposhta» AQ sııaqty júıe quraýshy kásiporyndar men taýar óndirýshilerdiń ókil­deri qatysty. Oblystardan kelgen taýar óndirýshilerdiń kórmesi kórsetildi.

Jıyn barysynda ótken jyly Pavlodar oblysy ákimdigi men kásiporyndary arasynda qazaqstandyq úlesti arttyrý maqsatynda 448 mlrd. teńgeniń kelisimsharty jasalǵany jáne óńirde 15 júıe quraýshy kásiporyn bar ekeni aıtyldy. Máselen, «Kastıng», «Qazenergokabel», «KSP Steel» sekildi kásiporyndar belsendilikteri aıtyldy. Kelesi kezekte «Qazaqstan temir joly» UK» AQ vıse-prezıdenti Ermek Ǵızatov, «Qaz­atomónerkásip» UAK» AQ tóraǵasynyń oryn­ba­sary Nurlan Ryspanovtar tórt oblys ara­syn­­daǵy áriptestikti damytýǵa daıyn eken­dik­terin aıtty. Oblys ákimdikteri men «Qazaq­mys» korporasııasy» JShS, «Qazaqstan te­mir joly» UK» AQ, «Qazatomónerkásip» UAK» AQ ara­syn­­da qazaqstandyq úlesti damytýdaǵy ózara yn­­ty­maqtastyq jónindegi memorandýmǵa qol qoıyldy.

 Indýstrııa jáne jańa tehnologııalar mı­nıst­rligi Qazaqstandyq úlesti damytý de­pa­r­tamentiniń dırektory Serik Kámeliniń aıtýynsha, forýmda qazaqstandyq úlesti arttyrýdaǵy oblystardyń múmkindikteri kórindi. Bul forýmda «Neni jasaı alamyz?», «Qolymyzdan ne kelmeıdi?» degen saýaldarǵa jaýap izdeldi. Qazaqstandyq úlesti arttyrýda Pavlodar oblysy­­nyń ónimderin shetelge eksporttaýǵa bolady, Al, Almaty oblysy ákiminiń birinshi orynbasary Amandyq Batalovtyń aıtýynsha, óńiraralyq baılanystardyń el damýyna qosar úlesi mol. Máselen, Almaty oblysynda aýyl sharýashylyǵy jaqsy damyǵan. Soǵan oraı, Pavlodar, Shyǵys Qazaqstan, Qaraǵandy oblystaryndaǵy óndiris órkendi. Sondyqtan, ózara baılanys óńirler úshin tıimdi. Biz, almatylyqtar, úsh óńirden óndiriske qajetti taýarlardy alsaq, olarǵa aýyl sharýashylyǵyna qajetti ónimderdi jetkizemiz. О́skemendegi forýmda Astana qalasynan tórt oblystyń ónimderin satatyn saýda úıin ashý týraly josparlanǵan kórinedi. Sondyqtan jıyn barysynda bul jospar-joba júzege asa ma, joq pa degen suraqqa jaýap izdeldi. Sóıtip, Astanada saýda úıin salý máselesi áleýmettik-kásipkerlik korporasııalarǵa júkteldi. Alyp saýda úıiniń bolashaqtaǵy kórinisi, qansha qarjy qajettigi de aıtyldy. Qujattyq jumystar rettelgennen keıin oblystar arasynda kelisimshart jasalady. Saýda ortalyǵy Astanada ótetin EKSPO-2017 halyqaralyq kórmesine laıyqtalyp boı kóterýi tıis degen sheshim qabyldandy. Forým barysynda 2014 jyly elimizdegi ulttyq kompanııa­lar men iri júıe quraýshy kásiporyndardyń qajettiligi úshin oblys taýar óndirýshileriniń taýarlary, jumystary men qyzmetterin jetkizý jónindegi hattamalar men usynystar boıynsha kezdesýler ótti. Jáne de «NADLoC» jergilikti úlesti damytý jónindegi ulttyq agenttik» AQ, «Qazaqstannyń Damý banki» AQ, «Qazaqstannyń ındýstrııany damytý ınstıtýty» AQ qatysýymen taýar óndirýshilerge arnalǵan semınar-keńes uıymdastyryldy.

Farıda BYQAI,

«Egemen Qazaqstan».

Pavlodar oblysy.