...Jaý toqtatýdyń ornyna, jaý joq jerde jaý shaqyratyn batyrlar da kóp bolǵan, daý toqtatýdyń ornyna daý shaqyratyn da bıler kóp bolǵan. Ásheıinde qulaq tynysh otyrǵanda ózi kıligetin bıler emes, qulaqtan maza ketip, aryń tógilip bara jatqanda sóz bastaıtyn dilmarlar kerek. Eń durysy sózdi de, qoldy da bastatpaýǵa tyrysatyn, eldiń tynyshtyǵyn, aǵaıynnyń amandyǵyn saqtaıtyn eldarlar kerek.
...Jaý toqtatýdyń ornyna, jaý joq jerde jaý shaqyratyn batyrlar da kóp bolǵan, daý toqtatýdyń ornyna daý shaqyratyn da bıler kóp bolǵan. Ásheıinde qulaq tynysh otyrǵanda ózi kıligetin bıler emes, qulaqtan maza ketip, aryń tógilip bara jatqanda sóz bastaıtyn dilmarlar kerek. Eń durysy sózdi de, qoldy da bastatpaýǵa tyrysatyn, eldiń tynyshtyǵyn, aǵaıynnyń amandyǵyn saqtaıtyn eldarlar kerek.
Eki jolbarysty sońyna ertken, ózi úshinshi jolbarys sııaqty bolyp, aıbynyn asyrǵan jaý túsiretin batyr Jánibektiń búgingi urpaq úshin qadirli bolatyndyǵy, kisiniń taǵdyryn bir aýyz sózben sheshken bı Jánibektiń biz úshin qadirli bolatyndyǵy, eń aldymen, sol batyrlyǵymen, sol bıligin eldarlyqqa jumsaǵandyǵy – deıdi Jánibek tarhan jaıly «Asyl sóz» baspasynan jaryq kórgen «Shaqshaq Jánibek Qoshqaruly» degen jańa kitapta degdar Ábish Kekilbaıuly.
Qazaqstan Respýblıkasy Mádenıet jáne aqparat mınıstrligi Aqparat jáne muraǵat komıteti «Ádebıettiń áleýmettik mańyzdy túrlerin basyp shyǵarý baǵdarlamasy» boıynsha «Aqtaban shubyryndy, Alqakól sulama» tusynda qabyrǵa qaıysyp, tilersegi maıysyp, tentiregen el jerinen aýyp, qaıyńdy saýyp, qınalǵan tusta qol bastaǵan batyrlardyń biri, sóz bastaǵan sheshenniń biri, qaharmandyǵy Buqar, Tátiqara jyraýlardyń tógilgen jyrlaryna arqaý bolǵan Shaqshaq Jánibek batyrdyń 320 jyldyǵyna oraılastyryp Jetpisbaı Bekbolatuly qurastyrǵan bul kitapta batyrdyń ómiri, onyń shyqqan tegi, jasaǵan erlik isteri jaıynda mol maǵlumat berilipti.
«El ustasań kek ustama», «Bılik aıtý ońaı, bilip aıtý qıyn», «Oılasyp kesseń qol aýyrmaıdy», «Baılyqtyń baılamy – birlik», «Hannyń qaıyrymy – sheksiz, halyqtyń qaıraty – sheksiz», «Týǵan jerdiń torǵaıy da súıkimdi» degendeı kúni búginge deıin Shaqshaq Jánibek aıtypty degen qanatty sózderimen, tolǵap ta týra aıtar kesikti de kesimdi oıymen, el taǵdyryna boılasa tereńge keter sheshimimen, el qorǵasa naızasynyń qýaty qaqyratyp sóger qabyrǵa, aıbyndy erlik isimen halqynyń jadynda jattalǵan batyr baba esimi jınaqty paraqtaı otyrǵanda burynǵydan da bıiktep, eńselene túsedi.
Kitaptyń birinshi bólimine «Shaqshaq Jánibek jáne onyń ýaqyty» degen О́mirzaq Jolymbetovtiń derekti hıkaıaty berilse, ekinshi bóliminen Imanjan Jylqaıdaruly men Serikbaı Ospanulynyń Shaqshaq Jánibek týraly dastandary oryn alypty. Al sońǵy úshinshi bólimde Ǵafý Qaıyrbekov, Sabyrjan Shúkiruly, Bolatbek Áldenuly, Sultanǵalı Ospanovtyń batyr jaıynda jazǵan kóńilge oı túıdirip, sanany selt etkizip, janyńa erlik pen eldikti qadirleýdiń qanshalyqty úlgi bolatyndyǵyn kórsetken oıly maqalalary jınaqtalypty. Sonymen qatar, bul jınaqta batyrǵa qatysty qundy muraǵat derekterine de oryn berilgen eken. Qarap otyryp, bir batyr tulǵasynyń bıiktigin ǵana baǵalaıtyn emes, tutastaı dáýirdiń, saıasattyń, tarıhtyń qalaı aınalǵandyǵyn kórsetetin qundy qujattardyń kitaptyń mazmuny men mánin de asha túskenin ańǵarasyń.
Anar TО́LEÝHANQYZY,
«Egemen Qazaqstan».