Qazaqstan Qarýly Kúshteri Áýe qorǵanysy kúshterinde avıatehnıkalar men áskerı qyzmetshilerdiń jańartylǵan «Taldyqorǵan» áskerı ushaqjaıyna qaıta qonystanýy bastaldy. Jeke quram men avıasıalyq tehnıka ushý alańynyń tolyq jóndelýinen soń týǵan avıabazaǵa qaıtyp oraldy.
Qazaqstan Qarýly Kúshteri Áýe qorǵanysy kúshterinde avıatehnıkalar men áskerı qyzmetshilerdiń jańartylǵan «Taldyqorǵan» áskerı ushaqjaıyna qaıta qonystanýy bastaldy. Jeke quram men avıasıalyq tehnıka ushý alańynyń tolyq jóndelýinen soń týǵan avıabazaǵa qaıtyp oraldy.
45 jyl boıy paıdalanylǵan áskerı ushaqjaıǵa birinshi ret qaıta jańartý jumystary júrgizildi. Qorǵanys mınıstri Qazaqstan áskerı-áýe kúshteriniń urysqa qabilettiligine jáne áskerı avıasııanyń ushý qaýipsizdigine basa nazar aýdaryp otyrady. Qorǵanys vedomstvosy basshysynyń tapsyrmasy boıynsha qurylys jumystary barysynda ushý-qoný alańy tolyq aýystyryldy. Alań jaqtaýlaryna kúrdeli metrologııalyq jaǵdaılarda jáne tún mezgilinde ushý qaýipsizdigin qamtamasyz etetin jańa jaryq berýshi jabdyqtar ornatyldy.
Jańartylǵan soń áskerı ushaqjaıdyń múmkindigi artty. Bul sıpattamalar ushý alańyna tek áskerı avıasııany ǵana emes, basqa da júk kótergishtigi joǵary áýe kemelerin qabyldaýǵa múmkindik berdi.
Buryn habarlanǵanyndaı, Taldyqorǵan garnızonyndaǵy áskerı ushaqjaıdy jóndeý jumystary 2013 jylǵy sáýir aıynda bastalǵan bolatyn. Jóndeý jumystary kezinde avıabazanyń jeke quramy men avıasıalyq tehnıkasy «Jetigen» ushaqjaıyna kóshirildi. Munda áskerı qyzmetshiler berilgen tapsyrmalar men elimizdiń áýe shebin qorǵaýdy jalǵastyrdy.
Áskerı bólimniń ushý jáne tehnıkalyq quramy negizgi avıabazadan jyraqta júrse de Qazaqstan Qarýly Kúshteri avıasııasy tartylǵan barlyq jattyǵýlarǵa qatysýda belsendilik tanytty.
«Egemen-aqparat».