Qazaqstan musylmandary dinı basqarmasy men Din isteri agenttigi О́zara yntymaqtastyq týraly kelisimge qol qoıdy. Bas múftı Erjan qajy Malǵajyuly Din isteri agenttiginiń tóraǵasy Marat Ázilhanovpen kezdesip, taraptar elimizdegi dinı turaqtylyqty saqtaý, ultaralyq tatýlyqty arttyrý, konfessııalar men dinı birlestikter arasyndaǵy kelisimdi kúsheıtý syndy birqatar máselelerdi sóz etti.
Qazaqstan musylmandary dinı basqarmasy men Din isteri agenttigi О́zara yntymaqtastyq týraly kelisimge qol qoıdy. Bas múftı Erjan qajy Malǵajyuly Din isteri agenttiginiń tóraǵasy Marat Ázilhanovpen kezdesip, taraptar elimizdegi dinı turaqtylyqty saqtaý, ultaralyq tatýlyqty arttyrý, konfessııalar men dinı birlestikter arasyndaǵy kelisimdi kúsheıtý syndy birqatar máselelerdi sóz etti.
QMDB Ǵulamalar keńesi men tóralqa músheleri, oblystyń bas ımamdary qatysqan basqosýda Bas múftı ortaq kelisimniń máni men mańyzyna hám maqsatyna toqtaldy.
«Alla taǵala barshamyzǵa beıbit zamanda ómir súrýdi násip etti. Qudaıǵa shúkir, Táýelsizdigimizdiń arqasynda Islam dinin nasıhattaýdyń, adamdar arasynda birlikti nyǵaıtýdyń múmkindigi týdy. Bárimizdiń ılegenimiz bir teriniń pushpaǵy. Ol – eldiń birligi, musylmandardyń yntymaǵy. Danyshpan Abaı atamyz: «Birińdi qazaq, biriń dos, kórmeseń, istiń bári bos» deıdi. Olaı bolsa, ózara birigip, elimizdiń bolashaǵy úshin eńbek etýimiz kerek. Alla taǵala Qurannyń Álı-Imran súresinde: «Túp-túgel Allanyń jibinen (dininen) bekem ustańdar da, bólinbeńder», deıdi. Qazir din men tildi saqtaýdy, mádenıetimiz ben ádebıetimizdi jańǵyrtyp, jastardy jaqsylyqqa shaqyrýdy oılaıtyn zaman. Osy maqsatta Qazaqstan musylmandary dinı basqarmasy men Din isteri agenttigi О́zara yntymaqtastyq týraly kelisim qabyldady. Ortaq kelisim elimizdegi dinı tatýlyqty nyǵaıtýǵa, ultaralyq qarym-qatynasty jandandyrýǵa septigin tıgizbek. Sonymen qatar, qoǵamǵa qaýipti aǵymdardyń ıdeologııasyna tosqaýyl qoıýǵa, taǵy basqa dinı máselelerdi sheshýge yqpal etetinine senim bildiremin», – dedi Bas múftı Erjan qajy Malǵajyuly.
Din isteri agenttiginiń tóraǵasy Marat Ázilhanov Dinı basqarma men Din isteri agenttigi zań aıasynda, óz quzyretteri sheńberinde birlesken jobalardy júzege asyratynyn jetkizdi. «Maqsatymyz – qoǵamdaǵy tatýlyq pen ózara kelisimdi kúsheıtýge birlese yqpal etý», – dedi ol.
Qos tóraǵa yntymaqtastyq memorandýmyna qol qoıyp, qujat almasty. Taraptar qabyldanǵan bul qujat aıasynda konferensııalar, dóńgelek ústelder, forýmdar ótkiziletin bolady.
Qanat ESKENDIR,
«Egemen Qazaqstan».
ALMATY.