Usynys bildirgenderden tańdalǵan 14 myń alaýgerdiń, sonyń ishinde Kalınıngrad oblysy boıynsha 25 myń úmitker ishinen iriktelgen 100 tańdaýlynyń biri bolǵan qazaq jigittiń aty-jóni adamdy ózine eriksiz tarta túsedi. Amanǵalı Erǵalıuly Eleýov! Qazan aıynyń sońǵy aptasynda Kalınıngrad oblysynyń Svetlogorsk qalasynda ótken sherýde Olımpıada alaýyn alyp júrgenderdiń biri.
Usynys bildirgenderden tańdalǵan 14 myń alaýgerdiń, sonyń ishinde Kalınıngrad oblysy boıynsha 25 myń úmitker ishinen iriktelgen 100 tańdaýlynyń biri bolǵan qazaq jigittiń aty-jóni adamdy ózine eriksiz tarta túsedi. Amanǵalı Erǵalıuly Eleýov! Qazan aıynyń sońǵy aptasynda Kalınıngrad oblysynyń Svetlogorsk qalasynda ótken sherýde Olımpıada alaýyn alyp júrgenderdiń biri. Sóıtsek, ol Aqtaýdyń jigiti eken. Osydan birneshe jyl buryn otbasymen – áıeli jáne eki ulymen Aqtaýdan Kalınıngrad qalasyna qonys aýdarypty. Sportshy – aýyr atletıkadan KSRO sport sheberi, Qazaq KSR chempıony, Búkilodaqtyq jarystardyń birneshe dúrkin chempıony. Osy habar qulaǵyna tıisimen qońyraýlatqan Mańǵystaý oblystyq «Ognı Mangıstaý» gazetine Amanǵalıdyń áıeli habarlasypty.
О́mirine sportty, salamatty ómir saltyn serik etken Amanǵalı Máskeýdegi uıymdastyrý komıtetine óz anketasyn toltyryp jibergen eken. Qatań synnan ótkendigi onyń kóńilin erekshe qýanyshqa toltyrypty. Amanǵalı Erǵalıulynyń sálemin jetkizgen áıeliniń aıtýynsha, Olımpıada alaýyn ustap júgirip ótetin jeriniń qashyqtyǵy úlken emes, biraq sol qysqa ǵana qashyqtyqtyń ózi oǵan úlken jaýapkershilik júktep, qanattandyrady eken. «Bizdiń, ıaǵnı san myńdaǵan alaýgerlerdiń júreginiń kúshi, alaqanynyń jylýy reseılik, sondaı-aq, qazaqstandyq sportshylardyń jeńiske jetýine kómektesedi» deıtin kórinedi qazaq jigiti.
Baltyq teńizi jaǵalaýyndaǵy kýrortty qala Svetlogorskidegi alaýgerler sapynda Amanǵalımen birge ánshiler Oleg Gazmanov pen Lada Dens, ártis Tatıana Arntgols, aýyr atletıkadan Beıjiń Olımpıadasynyń qola júldegeri Dmıtrıı Lapıkov, kúresten álem chempıony Alekseı Shemarov, sondaı-aq, oblys gýbernatory, qala meri, ózge de tanymal tulǵalar boldy. Aıtýlarynsha, Amanǵalı Eleýov Sochı Olımpıadasy alaýgerleri arasyndaǵy jalǵyz qazaq bolypty.
Alyp elde tańdaýly bolǵan qazaq jigitiniń sport dodasynda jerlesterimen birge qandastarynyń tilegin tileıtindigi qýantty.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.