Pavlodar oblysynda adam saýdasymen aınalysqan eki Ońtústik Qazaqstan oblysynyń turǵynyna qatysty sot úkimi shyqty. Bul týraly «24 kz» habarlady.
Olar Pavlodarda múgedekterdi kúshtep qaıyr suratqan. 45 jastaǵy Zýhra Modýr qylmystyq toptyń basshysy retinde 3 jylǵa sottaldy. Alaıda, onyń qolynda kámeletke tolmaǵan bala bolǵandyqtan, jazany óteý merzimi 5 jylǵa keıinge shegerildi. Al ekinshi aıypker shartty túrde 2 jylǵa sottaldy.
Esterińizge sala keteıik, qylmyskerler ótken jyldyń mamyr aıynda 48 jastaǵy 1-top múgedegin Almatyǵa alyp ketpek bolǵan jerinen qolǵa túsedi. Polısııa deregi boıynsha, qylmyskerler óńirlerdegi ınternattarǵa baryp, jarymjan azamattardyń týysymyz dep olardy basqa qalalarǵa áketken kórinedi.
Baqytbek Keneshuly.
Derekkóz: «24 kz»
Foto: «24 kz».