Búgin, 12 tamyzda UEFA Eýropa lıgasy úshinshi irikteý satysynda almatylyq «Qaırat» syrt alańda Armenııanyń «Alashkert» komandasymen kezdesti, dep habarlaıdy Egemen.kz Sports.kz-ke silteme jasap.
Eki komanda arasyndaǵy alǵashqy kezdesý 0:0 esebimen aıaqtalǵan bolatyn.
Búgingi oıynnyń birinshi kezeńinde eki komanda bir-birden gol soqty. Aldymen «Alashkert» oıynshysy Joze Embalo 43-mınýtta esep ashsa, oǵan qazaqstandyq Aıbol Ábiken 45-mınýtta bir golmen jaýap qaıyrdy.
Ekinshi kezeńde Joze Embalo 50-mınýtta taǵy bir goldyń avtory atandy. Al 61-mınýtta «Qaırattyń» shabýylshysy Artýr Shýshenachev tarazy basyn teńestire aldy.
Oıyn overtaımǵa ulasty. Overtaımnyń 103-mınýtynda armenııalyq klýbtan Aleksandar Glıshıch komandasyn alǵa shyǵardy. Osylaısha «Qaırat» qarsylasyna 2:3 esebimen jol berdi.
Endi qazaqstandyq klýb Konferensııa lıgasy pleı-off satysynda synǵa túsetin bolady.