Shyǵys Qazaqstan oblysynyń Zaısan aýdanynda «Shilikti» sapar ortalyǵy salynady. Bul týraly jýyqta «Berel» memlekettik tarıhı-mádenı qoryq-mýzeıiniń dırektory Nurbolat Ahmetjanov pen Zaısan aýdanynyń ákimi S.Zaınýldın ortaq sheshimge keldi, dep habarlady mekemeniń baspasóz qyzmeti.
О́ıtkeni «Berel» memlekettik tarıhı-mádenı qoryq-mýzeıine qarasty Shilikti qorǵandaryn kórýge kelýshiler sany ýaqyt ótken saıyn arta túsýde. Sondyqtan aldaǵy ýaqytta nysannyń mádenı qundylyǵy jáne mundaǵy artefaktilerdiń ult tarıhyndaǵy mańyzy jaıly týrısterge keńinen nasıhattaý isin qolǵa alǵan durys.
«Zaısan óńirinde 6 tarıhı, 21 mádenı-arhıtektýralyq, 8 arheologııalyq eskertkish tirkelgen. О́lkedegi tarıhı eskertkishterdiń biregeıi – Shilikti qorǵandary. Munda barlyǵy 51 oba bar. Bular b.z.b. VII-VI ǵasyrǵa tán. Sondaı-aq bul ólkede saqtardyń alǵashqy memleketiniń ordasy tigilgen. Sapar ortalyǵynda zamanaýı úlgide jabdyqtalǵan mýzeı zaly, qonaqúı ǵımaraty jáne aqparattyq-nasıhattyq ortalyq syndy birqatar bólim qarastyrylǵan», deıdi «Berel» memlekettik tarıhı-mádenı qoryq-mýzeıiniń dırektory Nurbolat Ahmetjanov.