Baıypty baǵdarlama, mártebeli mejeler

Qazaqstan Prezıdentiniń Joldaýy sheteldik saıasatkerlerdiń nazarynan da tys qalǵan joq. Buǵan olardyń «Qazaqstan 2050» Strategııalyq baǵdarlamasymen  jaqsy tanystyǵy sebep boldy. Sondyqtan  olar osy Strategııany júzege asyrýdyń joldaryn qarastyratyn bıylǵy Joldaýdy damýdyń dańǵylyna bastaıtyn, tyń mindetterge toly saýatty jospar bolady dep eseptep otyr.

Qazaqstan Prezıdentiniń Joldaýy sheteldik saıasatkerlerdiń nazarynan da tys qalǵan joq. Buǵan olardyń «Qazaqstan 2050» Strategııalyq baǵdarlamasymen  jaqsy tanystyǵy sebep boldy. Sondyqtan  olar osy Strategııany júzege asyrýdyń joldaryn qarastyratyn bıylǵy Joldaýdy damýdyń dańǵylyna bastaıtyn, tyń mindetterge toly saýatty jospar bolady dep eseptep otyr.

Ekaterına ShIPOVA, «Daǵdarystan keıingi álem ıns­tıtýty» qorynyń dırektory (Reseı):

– Qazaqstan Prezıdentiniń osy jol­ǵy Joldaýyn asyǵa kútken shetel­dikterdiń biri menmin. Buǵan sebep, men Qazaq eli basshysynyń osyǵan deıingi joldaýlarynyń báriniń maz­mundarymen jaqsy tanyspyn. Olardyń bári de eldiń damýynyń kezekti kezeńderiniń naǵyz baǵdary boldy. Osy turǵyda keleshekke qol sozǵan Qazaqstannyń 2012 jyldyń jeltoqsan aıynda qabyldanǵan «Qazaqstan-2050» Strategııalyq baǵdarlamasynyń máni men mańyzy óte joǵary. Sondyqtan bolar, jańa Joldaýda eldiń aldyna qoıylatyn mindetterdiń aýqymy óte zor. Ol eń aldymen jurtty tutynýshylyq tilekke emes, boryshkerlik mindetke úndeıdi. Bul sonysymen baǵaly.

Tatıana MOSKALKOVA, RF Federaldy Jınalysy Memlekettik Dýmasynyń depýtaty:

– Qazaqstan Prezıdentiniń Jol­daýy biz úshin de mańyzdy. Sebebi, biz Biryńǵaı ekonomıkalyq keńistik aıasynda ómir súrip jatyrmyz. Olaı bolsa, Qazaq elinde bolyp jatqan ózgeristerdiń Reseıdi aınalyp ótýi múmkin emes. Maǵan Nursultan Nazar­baev Joldaýyndaǵy naqtylyq pen tujyrymdylyq unaıdy, onda aýaǵa jaıylǵan bos sózder, máseleniń aınalasyn sıpalaı berýshilik múldem joq. Qazaq eli Prezıdentiniń arnaýlary ózine ózi senimdi adamnyń, óz isiniń paıdaly ekenine ábden kózi jetken tulǵanyń kópshilikke jaıyp salǵan baǵdarlamasy bolyp kórinedi. Olar únemi óziniń tereńdigimen jáne de halyqqa asa qajet máselelerge baǵyttalǵandyǵymen erekshelenedi.

Mehmet Seıfıddın EROL, Halyqaralyq qaýipsizdik jáne strategııalyq zertteý ortalyǵynyń dırektory (Túrkııa):

– Biz baýyrlas, bir tildes halyq­tardyń ókilderi retinde Qazaqstan Prezıdenti Nursultan Nazarbaevtyń árbir Joldaýyna udaıy yqylas qoıyp tyńdap, ynta salyp qarap otyramyz. Bul joly da solaı boldy. Joldaýdyń jarııalanǵaly jatqanyn aldyn ala bildik. Bilgesin sol saǵattardy kútip júrdik. Al qulaq túrgen qujatymyz kóńilimizden shyqty. Onda tek syrt­qy saıa­sat jóninde ǵana emes, barlyq sala qamtyldy. Ásirese, mem­leket­tiń áleýmettik-ekonomıkalyq da­mý baǵytyna qatysty tushymdy tujyrymdamalary men utymdy pikirleri kóńilge jyly uıalady. Bizdiń baýyrlas eldiń ishki saıasaty – syndarly, syrtqy saıasaty – kópvektorly. Buǵan kúlli álem, tórtkúl dúnıe kýá. Prezıdentterińiz jyldaǵy dástúr boıynsha halyqqa Joldaýynda Úkimetke naqty tapsyrma júktedi jáne ol tapsyrmalar ýaqtyly oryndalady.

Chjan NIN, Qytaı qoǵamdyq ǵylymdar akademııasy Ortalyq Azııany zertteý bóliminiń meńgerýshisi:

– «Qazaqstan-2050» Strategııalyq baǵdarlamasy eldiń jarqyn bolasha­ǵynyń kepili bola alatyn qujat. Qazaq­stan Prezıdenti Nazarbaevtyń bastamasymen qabyldanǵan «Qazaq­stan-2030» baǵdarlamasynyń sát­ti oryndalýy osy sózime negiz. Qazaq­stan Prezıdenti memleket jalpy halyqpen birigip, bastapqy qoıǵan maqsattardy, josparlardy júzege asyrýda aıanbaı eńbek etti. Qazaq halqy eńbekqorlyǵyn, talapkerligin álemdik qaýym aldynda dáleldedi, moıyndatty. Osy qasıetterdiń arqasynda 2030 jylǵa josparlanǵan nátıjelerge merziminen buryn qol jetkizdi. Maqsat – atalǵan merzimge deıin damyǵan 50 memlekettiń qataryna kirý edi. Ol maqsat oryndaldy. Jas memlekettiń búgingi nátıjelerine qarap-aq, jańa Strategııalyq damý baǵdarlamasy 2050 jylǵa deıin kúttirmes degen oıǵa kelemin.

Bul Joldaýda  «sapa» degen sóz 10 ret qaıtalandy. «О́sý», «órleý», degen uǵym da sodan kem atalmady. О́sý – ekonomıkadaǵy siz ben bizge tıesili úlestiń artýy. Ishki jalpy ónim deıtin uǵymmen astasyp jatady. Jalpymyzǵa tıesili ónim qazir 13 myń AQSh dollary. 2050-ge qaraı 60 myń AQSh dollary kóleminde bolady. Eńseńizdi kóterińiz, bul – esebi bar dúnıe. 

Karlos Valdes de la KONSEPSION, Kýba Respýblıkasynyń Qazaqstandaǵy elshisi:

– Meniń oıymsha, «Qazaqstan-2050» Strategııasy – damýdyń dańǵyl jo­ly. Bul maqsattarǵa jetý úshin Qazaq­stannyń barlyq múmkindikteri bar. Qazaq eli birneshe jyldardan soń álemniń aldyńǵy qatarly elderiniń birine aınalady dep senemin. Buǵan ózim Qazaqstanǵa kelip turyp jatqaly beri de udaıy kóz jetkizip kelemin. Bir ǵana Astananyń ózi nege turady. Tarıhta osynshalyqty qysqa merzim ishinde tyń alqaptan túren túrgendeı etip, elordany sala salý buryn eshkimniń qolynan kelmegen. Qaperinde de bolmaǵan. Mine, mundaı batyl qadamǵa Qazaqstan Prezıdenti ǵana bardy jáne ony úlken abyroımen oryndap shyqty. Al endi Búkilálemdik kórme ótkizýge qyzý kirisip jatyr. Osynshalyqty batyl isterge baryp jatqan eldiń bolashaǵy da baıandy bola beredi dep oılaımyn.

Irnerıo SEMINATORE, Eýropalyq halyqaralyq qatynastar ınstıtýtynyń prezıdenti:

– Qazaqstannyń búgingi ekono­mıkalyq damýy eldegi saıası turaq­tylyqpen tikeleı baılanys­ty. Qazaqstannyń qol jetkizgen jetistigi – Elbasynyń kóregen saıasaty men naqty josparynyń jemisi. Bul el táýelsizdik alǵan kezeńnen beri Qazaqstan ekonomıkalyq jáne saıası turǵyda qarqyndy damyǵan.

Prezıdent Nursultan Nazar­baevtyń batyl qadamynyń nátıjesinde sáýletti Astana boı kóterdi. Astanaǵa sapar shegýdiń sáti tústi. Qazir ony eldiń saıası jáne ákimshilik ortalyǵyna aınaldy dep aıta alamyn.

Naıdjel PITERS, British Expertise kompanııasynyń basshysy (Ulybrıtanııa):

– Maǵan belgilisi, Qazaqstan táýel­sizdik alǵan kezinde ózine belgilep alǵan damý jospary boıynsha naqty ári qarqyndy órkendedi. Qazaq eli naryqtyq ekonomıkanyń qyr-syryn jetik meńgerip, básekelestik saıasatty ornata bildi. Sondaı-aq, sheteldik ınvestısııa tartý salasy da óz jemi­sin berýde. Máselen, táýelsizdik alǵan­nan beri Qazaqstan ekonomıkasyna 160 mıllıard AQSh dollary shamasynda ınvestısııa quıyldy. Osy oraıda ol Ulybrıtanııamen de aldyńǵy qatarda baılanys ornatty.

Búginde eki el arasyndaǵy qarym-qatynas jyldan-jylǵa jandanyp keledi. Bizdiń otandyq kompanııalar Qazaq elimen baılanysty damytýǵa árqashan nıetti. Qazaqstan Prezıdenti N.Nazarbaevtyń jyl saıynǵy Joldaýy halyqqa úlken senim men jiger beredi. Men óz basym Memleket bas­shysynyń bıylǵy Joldaýyn da naǵyz qaınaǵan ómirdiń ózinen týǵan qundy qujat, baıypty baǵdar dep bilemin.