Bul jaıynda óńirdegi bas sanıtarlyq dárigerdiń jańa qaýlysynda aıtyldy, dep jazdy Egemen.kz Habar 24-ke silteme jasap.
Endi medısınalyq anyqtamasy bar nemese sońǵy úsh aıda kovıdpen aýyryp jazylǵandardy qospaǵanda 18 jastan asqan stýdentterdiń barlyǵy vaksına alýy tıis.
Sonda ǵana oqýǵa jáne jataqhanaǵa jiberiledi. Al mektepterde joǵary, orta jáne bastaýysh synyp oqýshylary bólek esikten kirip-shyǵýy qajet. Sondaı-aq sabaq arasyndaǵy úzilister ártúrli ýaqytta bolýy kerek. Buǵan qosa, synyp kabınetteri saǵat saıyn jeldetilip turatyn bolady. Kúndelikti dáristen basqa kez kelgen buqaralyq is-sharalardy ótkizýge tyıym salynǵan.
«Bilim berý mekemelerinde jańa oqý jylyn shtattyq rejımde uıymdastyrý úshin pedogogtar men qyzmetkerler, jataqhanalar, ashanalar personaly jáne ata-analar arasynan juqtyrǵan, vaksına almaǵan jáne baılanysta bolǵan adamdardy baqylaý maqsatynda barlyq bilim berý jáne tárbıe uıymdarynda Ashyq júıesin engizý qajet. Barlyq qyzmetkerler men bilim alýshylardyń kúndelikti súzgi jumystaryn ótkizý, kabınettik oqytý júıesin toqtatý», dedi oblystyq sanıtarııalyq-epıdemıologııalyq baqylaý departamentiniń resmı ókili Aıgúl Shatekova.