Talıban Ortalyq Gaznı provınsııasyndaǵy radıostansııalarda mýzyka oınatýǵa jáne áıelderdi jumysqa tartýǵa tyıym saldy, dep habarlaıdy Egemen.kz Pajhwok.com saıtyna silteme jasap.
«Talıban» 12 tamyzda Gaznıge baqylaý ornatqannan keıin birqatar ózgerister engizdi.
Buǵan deıin «Talıban» sodyrlary áıelderdiń quqyqtaryn shektemeýge ýáde bergen bolatyn.
Alaıda, Kabýlǵa deıin basyp alynǵan provınsııalar bul ýádeni elemedi. Jergilikti BAQ-tyń habarlaýynsha, basyp alynǵan aımaqtarda áıelder jumystan tolyǵymen bosatyldy. Áıelderge syrtqa tek er adamdarmen birge shyǵýǵa jáne bólmeden shyqqan kezde jabyq kıim kııýge mindettelip, qyzdarǵa bilim alý shekteýli boldy.
Sonymen qatar, provınsııanyń polısııa bólimsheleriniń biriniń bastyǵy Mohammad Hashem Galdjı «Talıban» bólimsheleri aımaqtyń ákimshilik ortalyǵyna kirgennen keıin birden joǵalyp ketti. Galdjıdiń týystary áli kúnge deıin ol týraly eshqandaı aqparat almaǵan.