«Talıban» qozǵalysy Aýǵanstan Prezıdenti Ashraf Ganı men vıse-prezıdent Amrýl Salehke raqymshylyq jasap, qalasa elge qaıta oralýǵa múmkindik berdi, dep habarlaıdy Egemen.kz.
RIA Novostı taratqan habarda tálibter eldiń birneshe laýaqymdy tulǵalaryna raqymshylyq jasaıtyndaryn málimdegen.
«Biz Ashraf Ganıdi, Amrýl Salehti jáne (prezıdenttiń qaýipsizdik boıynsha keńesshisi) Hamdýlla Mohıbany keshiremiz. Biz óz tarapymyzdan generaldan bastap, qarapaıym adamǵa deıin barlyǵyn keshiremiz», dep málimdedi tálipterdiń kóshbasshysy Halıl ýr Rahman Hakkanı pákistandyq Geo TV telearnasynda.
Aıta keteıik, amerıkalyq kontıngenttiń elden shyǵarylýy aıasynda tálipter Aýǵanstannyń iri qalalaryn basyp alyp, jıyrma jylǵa sozylǵan soǵystyń aıaqtalǵanyn málimdedi. Jaqynda eldi basqarý formasy da anyqtalatyn bolady.
Elden qashyp ketken eks-prezıdent Ashraf Ganı eki kúnnen keıin BAÁ-den vıdeoúndeý joldap, elge qaıtyp oralýǵa ýáde etti. Al Aýǵanstan aýmaǵynan boı tasalaǵan Saleh bolsa, Konstıtýsııaǵa sáıkes óziniń memleket basshysy bolatynyn aıtyp, tálibterge qarsy turýǵa shaqyrdy.