Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Iran Islam Respýblıkasy Syrtqy ister mınıstrliginiń resmı ókili – Syrtqy ister mınıstriniń arnaýly kómekshisi Ramın Mahmanparasty qabyldady, dep habarlady osy palatanyń baspasóz qyzmeti.
Kezdesý barysynda Qazaqstan-Iran ekijaqty qarym-qatynastaryn, onyń ishinde parlamentaralyq yntymaqtastyqty damytý máseleleri jaıynda pikir almasyldy.
Taraptar sondaı-aq parlamentaralyq ózara is-qımyldy damytý saıası baılanystardy jıiletýge, ekonomıkalyq sala men gýmanıtarlyq baılanystardaǵy tabysty yntymaqtastyqty keńeıtýge járdemdesetinin atap ótti.
Iran Májilisiniń tóraǵasy Alı Larıdjanıdiń Iranǵa resmı saparmen kelýge shaqyrýyna oraı Senat Tóraǵasy Iran jaǵyna alǵys aıtty.
Ramın Mehmanparast ústimizdegi jylǵy 17-18 sáýirde ıadrolyq qarýsyzdaný týraly Tehran konferensııasynyń nátıjeleri týraly Qasym-Jomart Toqaevty habardar etti.
Q.Toqaev “ár memlekettiń halyqaralyq zańdar aıasynda jáne MAGATE baqylaýymen óziniń ıadrolyq baǵdarlamasyn damytýdaǵy” quqyqtary jaıynda aıtty. Tóraǵanyń aıtýynsha, aımaqtyq jáne halyqaralyq qaýipsizdikti qalyptastyrýda Irannyń negizdi mańyzdy róli bar.
R.Mehmanparast strategııalyq qarýlardy taratpaýdaǵy negizgi máselelerdi sheshýdegi Qazaqstan bastamalaryn joǵary baǵalady jáne aımaqtyq qaýipsizdikti qamtamasyz etýdegi bizdiń elimizdiń mańyzdy rólin atap ótti.