Toǵyzynshy teatr maýsymy 30 tamyzda Qazaqstan Respýblıkasynyń Konstıtýsııasy kúnine arnalǵan merekelik konsertpen bastalady, dep habarlaıdy Egemen.kz.
«Teatr maýsymynyń ashylýy, eń aldymen, ártister men kórermender úshin mereke. Biz bul maýsymdy eldegi epıdahýalǵa beıimdelgen jaǵdaıda bastaımyz. Kórermender zalynda áleýmettik qashyqtyqty jáne basqa da sanıtarlyq normalardy saqtaımyz. Teatr qyzmetkerleri vaksınasııalandy, sebebi biz óz densaýlyǵymyzǵa ǵana emes, sonymen qatar kórermenderdiń densaýlyǵyna da mán beremiz. Maýsymnyń birinshi jartysynda biz bes premerany usynýdy josparlap otyrmyz - bul opera men balet trýppasyna úlken júkteme, óıtkeni ázirlengen repertýarlar birinen keıin biri kórermenge usynylady. Sondaı -aq, afısha opera sahnasynyń ulylarynyń shyǵarmashylyǵyna arnalǵan mereıtoılyq kórnekiliktermen bezendiriletin bolady. Biz balalarǵa arnalǵan repertýardy kóbeıtýdi josparlap otyrmyz, ol ata -analardy da qyzyqtyrady», dedi Qazaqstannyń eńbek sińirgen qaıratkeri,«Astana Opera»teatrynyń dırektory Ǵalym Ahmedıarov.
QR Mádenıet jáne sport mınıstrligi men teatrdyń turaqty bas demeýshisi Halyq bankiniń kómegimen «Astana Opera» teatrynyń jańa maýsymynyń premeralar serııasy D. Sımarosanyń «Qupııa neke» operasymen ashylady. Premera Pıkkolo teatry jobasy aıasynda ótedi. Dırıjer-rejısser - Qazaqstannyń eńbek sińirgen qaıratkeri Abzal Muhıtdın. Sahnalyq rejısser - Alla Sımonıshvılı, qoıýshy -dızaıner jáne kostıýmıst - Manana Gýnııa.