Jambyl oblysynyń polıseıleri jergilikti turǵynnan 1 tonnaǵa jýyq esirtki zatyn tárkiledi, dep habarlaıdy Egemen.kz Polisia.kz-ke silteme jasap.
Jambyl oblysynyń polısııa qyzmetkerleri «Qarasora-2021» respýblıkalyq arnaıy jedel-profılaktıkalyq is-sharasyn ótkizý barysynda Baızaq aýdanynyń 49 jastaǵy turǵynyn ustady.
Shý aýdanynyń Tasótkel aýylynan 3 shaqyrym jerdegi qumǵa jaqyn mańdaǵy aımaqty tekserý barysynda esirtki zattaryn daıyndaýmen aınalysqan azamattan jalpy salmaǵy 928 keli «kannabıs ósimdigi» esirtki zaty tabylyp, tárkilendi. Ustalǵan azamatty jeke tintý kezinde jalpy salmaǵy 0,320 gr «kannabıs shaıyry» esirtki zaty tabyldy. Ustalǵan azamat kinásin tolyqtaı moıyndap, Shý qalasynyń ýaqytsha ustaý ızolıatoryna qamaldy.
Atalǵan derekke qatysty QR Qylmystyq kodeksiniń 297-baby 3-bóligi boıynsha sotqa deıingi tergeý amaldary bastaldy. Bul bap boıynsha qylmyskerdiń múlki tárkilenip, on jyldan on bes jylǵa deıingi merzimge bas bostandyǵynan aıyrýǵa jazalanady.
«Jyl basynan beri polısııa departamentiniń esirtki qylmysyna qarsy is-qımyl basqarmasynyń qyzmetkerleri Jambyl oblysynyń aýmaǵynda 2 tonna 23 keli kóleminde túrli esirtki zattaryn tárkiledi. Bul baǵyttaǵy jumystar ári qaraı jalǵasatyn bolady», deıdi Jambyl oblysy polısııa departamentiniń baspasóz qyzmeti bastyǵynyń mindetin atqarýshy Begman Qutmyrzaev.