Dúken ıesi Instagram áleýmettik jelisinde "1 qyrkúıekke oraı 300 gúl shoǵy tegin" aksııasyn jarııalaǵan. Bul shara adamdardyń bir jerde kóptep shoǵyrlanýyna sebep bolyp, karantın talaptaryn buzǵan, dep jazady Egemen.kz Nur-Sultan qalalyq polısııa basqarmasynyń resmı saıtyna silteme jasap.
Nur-Sultan polısııasy 1 qyrkúıek qarsańynda tegin gúl taratqan dúken ıesine qatysty materıal jınaqtap jatyr.
31 tamyzda saǵat 17.23-te "Baıqońyr" aýdanyndaǵy polısııa basqarmasynyń ýchaskelik ınspektoryna astana turǵynynan Seıfýllın kóshesindegi gúl dúkeniniń janynda 100-ge jýyq adam jınalǵany týraly habarlama túsken.
"Dúken ıesi Instagram arqyly "1 qyrkúıekke oraı 300 gúl shoǵy tegin" aksııasyn jarııalaǵany anyqtaldy. Ol bul shara adamdardyń bir jerge kóptep shoǵyrlanýyna sebep bolatynyn esepke almaǵan", dedi polısııa.
Dúken ıesin jaýapkershilikke tartý úshin jınaqtalǵan materıal sanıtarlyq-epıdemıologııalyq baqylaý basqarmasyna joldandy.