Prezıdent bıylǵy Joldaýda sıfrlandyrý jónindegi ulttyq joba aıasynda keminde 100 myń joǵary bilikti IT-maman daıarlaýdy tapsyrǵan bolatyn, dep habarlaıdy Egemen.kz.
Osyǵan oraı Shymkent qalasynyń ákimi Murat Áıtenov óziniń orynbasarlaryna bilim berý uıymdaryndaǵy STEM kabınetteriniń tıimdi jumys isteýin qadaǵalaýdy, IT-mamandar daıarlaýdyń qalalyq keshendi josparyn ázirleýdi júktedi.
Sonymen qatar, memlekettik organdardyń aqparattyq júıeleriniń ózara tıimdi kiriktirilýin sheshý maqsatynda geoportal júıesin bekitilgen merzimde iske qosýdy tapsyrdy. Nátıjesinde jer qatynastary, sáýlet, qala qurylysy, ınjenerlik jeliler salalary boıynsha júıeli aqparattyq derekter qalyptastyrylyp, kórsetiletin memlekettik qyzmetter tolyq avtomattandyrylatyn bolady.