Sheteldik stýdentterge Qazaqstan aýmaǵyna vaksınasııa pasporty men COVID-19-ǵa testileýdiń teris nátıjesi boıynsha kirýge ruqsat etiledi, dep habarlaıdy Egemen.kz.
Bul ereje Bas memlekettik sanıtarlyq dárigerdiń 3 qyrkúıektegi jańa Qaýlysynda bekitilgen.
Qujatqa sáıkes, Qazaqstan aýmaǵyna kirý úshin sheteldik stýdentterden kelesiler talap etiledi:
Vengrııanyń, Taılandtyń, Mońǵolııanyń, Grýzııanyń, Qyrǵyzstannyń jáne Moldovanyń ýákiletti organy bergen pasportymen/sertıfıkatymen/vaksınasııa anyqtamasymen rastalǵan COVID-19-ǵa qarsy vaksınasııalaý: Alynǵan sátten bastap Qazaqstan Respýblıkasynyń Memlekettik shekarasyn kesip ótý sátinde 3 táýlikten aspaıtyn ýaqyt ótken PTR ádisimen COVID-19-ǵa testileýdiń teris nátıjesi.«Internattar men jataqhanalarda turatyn stýdentterdiń 14 kúndik karantınde oqshaýlanǵan ýaqytta turaqty turatyn jerlerine nemese basqa jerlerge barýyna jol berilmeıdi», delingen qujatta.