Marat Qusaıynov Qazaqstan Qorǵanys mınıstriniń birinshi orynbasary bolyp taǵaıyndaldy, dep habarlaıdy Egemen.kz.
Memleket basshysynyń О́kimimen Marat Rahymuly Qusaıynov QR Qorǵanys Mınıstriniń birinshi orynbasary – QR Qarýly Kúshteri Bas shtabynyń bastyǵy bolyp taǵaıyndaldy.
Marat Qusaıynov 1967 jyly 20 mamyrda Qaraǵandy oblysynda dúnıege kelgen.
Bilimi, mamandyǵy, lısenzııalary:
Chelıabi joǵary tank komandalyq ýchılıshesi (1988); Brondy tank áskerleriniń Áskerı akademııasy (1997); Reseı Federasııasy Qarýly Kúshteri Bas Shtabynyń Áskerı akademııasy, altyn medalmen (2010)Eńbek ótili:
Tank dıvızııasy tank polkiniń tank rotasynyń komandıri (01.1993-06.1993); Tank dıvızııasy tank polkiniń oqý tank batalonynyń komandıri (06.1993-07.1994); Shtab bastyǵy - motoatqyshtar brıgadasy komandıriniń orynbasary (07.1997-12.2000); QR QM Áskerı-ǵylymı ortalyǵy áskerı-arnaıy zertteýler basqarmasynyń bastyǵy (12.2000-07.2002); Motoatqyshtar brıgadasynyń komandıri (07.2002-12.2003); Shtab bastyǵy - motoatqyshtar brıgadasy komandıriniń orynbasary (12.2003-11.2004); Jaǵalaý qorǵanysy brıgadasynyń komandıri (11.2004-02.2005); Mehanıkalandyrylǵan brıgadanyń tehnıka men qarý-jaraqty saqtaý bóliminiń bastyǵy (02.2005-03.2006); Shtab bastyǵynyń jedel jumys jónindegi orynbasary - «Shyǵys» óńirlik qolbasshylyǵy áskerleri qolbasshysynyń basqarmasy shtaby jedel basqarmasynyń bastyǵy (03.2006-08.2008); О́ńirlik qolbasshylyq áskerleri qolbasshysynyń birinshi orynbasary - «Batys» óńirlik qolbasshylyǵy áskerleri qolbasshysynyń basqarmasy shtabynyń bastyǵy (07.2010-07.2013); О́ńirlik qolbasshylyq áskerleri qolbasshysynyń birinshi orynbasary - «Shyǵys» óńirlik qolbasshylyǵy áskerleri qolbasshysynyń basqarmasy shtabynyń bastyǵy (07.2013-01.2014); О́ńirlik qolbasshylyq áskerleri qolbasshysynyń birinshi orynbasary - «Ońtústik» óńirlik qolbasshylyǵy áskerleri qolbasshysynyń basqarmasy shtabynyń bastyǵy (01.2014-06.2016); «Ońtústik» óńirlik qolbasshylyǵy áskerleriniń qolbasshysy (06.2016-05.2019); Qazaqstan Respýblıkasy Qarýly Kúshteri Qurlyq áskerleriniń Bas qolbasshysy (05.2019-11.2020); Qazaqstan Respýblıkasy Qarýly Kúshteri Bas shtaby bastyǵynyń birinshi orynbasary(11.2020 bastap)