Qazaqstan halqy úshin Joldaýdyń orny erekshe. Nege deseńiz, Joldaý – júrip ótken jolymyzdaǵy kiris-shyǵysty, jaqsy-jamandy bezbendeıtin tarazy. Joldaý – búginimizdiń sharaınasy. Joldaý – erteńgi kúngi tirligimizdiń baǵdarshamy. Joldaý – Qazaqstan atty alyp kemeniń bolashaq atty alys jaǵalaýdaǵy ǵajaıyp kemejaıy. Joldaý – Qazaqstandaǵy saıası-áleýmettik ári ekonomıkalyq hal-ahýaldyń barometri. Sondyqtan, bıylǵy dástúrli Joldaýdy da asyǵa kútkenbiz. Onyń tuǵyrnamasy da, ózegi de «Máńgilik Qazaqstan» jobasyn jalaý etedi.
Qazaqstan halqy úshin Joldaýdyń orny erekshe. Nege deseńiz, Joldaý – júrip ótken jolymyzdaǵy kiris-shyǵysty, jaqsy-jamandy bezbendeıtin tarazy. Joldaý – búginimizdiń sharaınasy. Joldaý – erteńgi kúngi tirligimizdiń baǵdarshamy. Joldaý – Qazaqstan atty alyp kemeniń bolashaq atty alys jaǵalaýdaǵy ǵajaıyp kemejaıy. Joldaý – Qazaqstandaǵy saıası-áleýmettik ári ekonomıkalyq hal-ahýaldyń barometri. Sondyqtan, bıylǵy dástúrli Joldaýdy da asyǵa kútkenbiz. Onyń tuǵyrnamasy da, ózegi de «Máńgilik Qazaqstan» jobasyn jalaý etedi.
Máńgilik El... Máńgilik Qazaqstan... Bular ata-babalarymyzdyń máńgilik armany, máńgilik ańsary bolatyn. Táýelsizdiktiń bar-joǵy 22 jylynda sol armandy aýyzdyqtap, erteńgi kógildir jaǵalaýlarǵa bet aldyq. Oǵan jetkizer alyp kememiz – «Qazaqstan-2050» Strategııasy. Bolashaqtyń shırek ǵasyrdan astam merzimine jospar jasaý – qurǵaq qııal emes. Búginderi toqtyqtan kekirip otyrǵan talaı memleket osy joldan ótken.
Strategııalyq joba – XXI ǵasyrdyń tóli. Jańa ǵasyrdyń týmasy. Erteńgi aımańdaı kúnnen úmitti bizdiń eldiń urany da, jyr-áni de sol bolýǵa tıis. Alaıda, baılyq pen abyroı, jańarýlar men jańǵyrýlar aspannan jaýmaıdy. Oǵan jetýden úmitker eldiń eńkeıgen kárisi men jelkókirek jasy tek nátıjeli eńbek pen tuǵyrly ǵylymǵa arqa súıeýi qajet. Osy ekeýine basymdyq bergen el-jurt muratyna jetedi. Sonda baryp halyqtyń ál-aýqaty kóteriledi, sonda baryp bizdi álem moıyndaıdy, sonda baryp Qazaqstan jer betindegi azýly 30 memlekettiń qatarynan oıyp otyryp oryn alady. Qazaqstannyń Máńgilik El bolýy degenimizdiń bir parasy osy.
Bul uly jobanyń alǵysharttaryn Elbasy tapsyrmasyna oraı Úkimet jasap ta qoıǵan. Prezıdent maquldaǵan bul qujat boıynsha Qazaqstanda aldaǵy 15-17 jyl ishinde asa aýqymdy ózgerister men jańǵyrtýlar bolmaq. Degenmen, 2050-ge jetkizer joldaǵy ulan-ǵaıyr básekelestikti de nazardan shyǵarmaǵan jón. Oǵan tótep berý úshin joǵarydaǵy eńbek pen ǵylymdy qalqan etýimiz qajet.
Búgingi tańda memlekettiń qaryshtap damýynyń basty kórsetkishi – onyń Ekonomıkalyq yntymaqtastyq jáne damý uıymyna músheligimen ólshenedi. Onyń quramynda búginde 34 memleket bolsa, taǵy da 6 memleket kirýden úmitker. Jańaǵy 34 memleket álemdik ishki ónimniń 60 paıyzyn óndiredi. Bul elderdiń barshasy tolyqqandy jańǵyrýlar men jańarýlardan ótken, ınvestısııa tartý múmkindikteri ushan-teńiz, ǵylym men bilimde, eńbek ónimdiligin arttyrýda, kásipkerlikti damytýda, jurtynyń áleýmettik hal-ahýalyn kóterýde asa joǵary kórsetkishterge qol jetkizgen.
Qazaqstanda osy uıymǵa múshe elderge tán keıbir qaǵıdalar men standarttar júzege asyrylatyn bolady. Ishki jalpy ónim jan basyna shaqqanda 60 myń dollarǵa jetýi kerek. El halqynyń 70 paıyzy qalalyqtarǵa aınalýy shart. Qazaqstan Eýrazııadaǵy aldyńǵy qatarly medısınalyq týrızm eli bolady. Ulttyq bilim berý júıesin qalyptastyrý aıaqtalady. Bizdiń elimiz álemdegi naǵyz qoı ústine boztorǵaı uıa salar jumaqqa aınalady.
Bul murattarǵa jetý ońaı emes. Ár besjyldyqtyń moınyna artylar júk asa aýqymdy. Berilgen tapsyrmalar der kezinde oryndalǵanda ǵana biz maqsattarymyzǵa jetemiz. Joǵarydaǵy mindetter men sharýalardy oryndaý eńbek adamynyń qolynda. Sondyqtan, memleket eń aldymen sonyń jaǵdaıyn jasaýǵa tıis. Sapaly eńbek – áleýmettik ýaıymy az adamdardyń sharýasy. Áleýmettiń áleýeti – tolymdy jalaqy. Jýyq arada Úkimet osy bir tolǵaqty sharany qolǵa alýy kerek.
Qoǵam bolǵan soń, onda múmkindigi shekteýli múgedek jandar da kóptep kezdesedi. Pende kemtarlyqty Alladan surap almaıtyny ras. Olarǵa degen qamqorlyq pen meıirim de memlekettiń moınynda bolýy tıis. Múmkindigi barlaryn jumysqa tartqan tıimdi. Ondaı jandar qoǵammen etene aralasqanda, belsendi jumyspen aınalysqanda ǵana aǵza kemistigin umytady. Dál osy tóńirekte «Nur Otan» partııasynyń qaıratkerligi qajet-aq.
Memlekettiń de, onda tirlik keship jatqan halyqtyń da ǵumyrlylyǵy, máńgiliktigi tek barlyqpen, baılyqpen, toqtyqpen ólshenbeıtinin tolǵaıdy Elbasy. Rýhanı qundylyqtaryn joǵaltqan jurttyń bolashaǵy bulyńǵyr ekendigin, memlekettiń negizin quraıtyn halyq qazaq bolsa, onyń tiliniń, diliniń, salt-dástúriniń basqa etnostardy tóńiregine toptastyratyn úlken rýhanı tirek bolýy kerektigin eskertedi.
Mine, «Máńgilik El» tuǵyrnamasy fılosofııasynyń keıbir taraýlary osyndaı tereńge tartady. Qandaı sharýany bolsyn qolǵa alyp, nendeı máseleni kóterse de olardy keshendi túrde qarastyratyn, Úkimetten de, muqym qazaqstandyqtardan da sondaı áreketti talap etetin Elbasy bul Joldaýynda da sol ustanymyn jarqyrata dáleldedi. Qazaq Táýelsizdiginiń avtory Nursultan Nazarbaevtyń egemendiktiń alǵashqy tańynan bastap qolǵa alǵan sharýalary, osyǵan deıingi barlyq joldaýlary túgeldeı osy «Máńgilik El» ıdeıasyna qyzmet etetin sharalar kesheni eken. Iаǵnı, Joldaý – máńgiliktik ustanymy, «Nur Otan» partııasynyń Doktrınasy – onyń ıdeologııalyq tegershigi.
Uly murattardyń sabaqtastyǵy degenimiz osy. Al bizdiń mindet – Elbasy kóregendigine, úlken tulǵanyń kemeńgerligine tańyrqaýshy ǵana bolyp otyrmaı, Joldaýdyń árbir baptaryn tııanaqty oryndaýǵa úles qosý.
Túsiphan TÚSIPBEKOV,
«Nur Otan» partııasy Shyǵys Qazaqstan
oblystyq fılıaly tóraǵasynyń
birinshi orynbasary.