Bilim – ult bolashaǵynyń irgetasy

Parlament pa­la­ta­lary­nyń birlesken otyry­synda jarııalanǵan Qa­zaq­­stan Res­pýblıkasynyń Pre­zı­denti – Elbasy N.Á.Na­zar­baevtyń «Qalyptasqan memlekettiń jańa saıası ba­ǵyty» at­ty «Qazaqstan-2050» Stra­tegııasyn júzege asyrý týraly Qazaqstan hal­qyna joldaǵan Joldaýy Taraz memlekettik pedagogıkalyq ınstıtýtynyń ujymyna tyń serpilis ákeldi.

Parlament pa­la­ta­lary­nyń birlesken otyry­synda jarııalanǵan Qa­zaq­­stan Res­pýblıkasynyń Pre­zı­denti – Elbasy N.Á.Na­zar­baevtyń «Qalyptasqan memlekettiń jańa saıası ba­ǵyty» at­ty «Qazaqstan-2050» Stra­tegııasyn júzege asyrý týraly Qazaqstan hal­qyna joldaǵan Joldaýy Taraz memlekettik pedagogıkalyq ınstıtýtynyń ujymyna tyń serpilis ákeldi.

Joldaýda qazaqstandyqtardyń ál-aý­qatyn arttyrýdyń birden-bir joly bilim­dilikke umtylys bolý kerektigi ataı otyrylyp, bilim berý sapasyn arttyrýǵa jan-jaqty jáne asa mán berilýi qajettigi pysyqtaldy. Ásirese, pedagogıkalyq ınstıtýttardyń qyzmetine yjdaǵattylyqpen qaraýdy tapsyrǵan Elbasy nusqaýyn bizdiń ujym asqan jylylyqpen qabyldady.

Bolashaqtyń tutqasy jastar bolsa, olardyń sanaly da ultjandy azamattyq bolmysynyń qalyptasý negizi – mektep. Al ustaz – mekteptiń júregi! Muǵalim balany oqytyp qana qoımaıdy, tárbıelep, damytady da. Al osydan-aq bir basynda san mamandyq túıisken ustaz júgin ózińiz salmaqtaı berińiz... Muǵalimniń kásibı quzyrettiliginiń sheńberi bilim berýmen qatar, balanyń jeke basyn damytý jáne tárbıe úrdisin basqarýdy qamtıtynyn tujyrymdamalyq turǵyda negizdegen bizdiń ınstıtýttyń ustazdary bolashaq mamannyń pedagogıkalyq portretiniń qalyptasýyna JOO-daǵy akademııalyq kezeńniń mańyzy erekshe dep sanaıdy. Sondyqtan oqý ornymyzda bilimgerlerdiń rýhanı-adamgershilik damýy­na ári olardyń, Elbasy atap kórsetkendeı «jańarǵan qoǵamda tabysty bolýlaryna» erekshe den qoıylǵan. Osy rette bilim baǵytyndaǵy 24 mamandyqtyń oqý jos­paryna «Bilim berý sala­syndaǵy akmeologııa», «Gen­derlik saıasat negizderi», «О́l­ketaný», «О́zin-ózi taný» pán­deriniń endirilgeni bir ǵana mysal.

HHI ǵasyr – jahandyq jańalyqtar ǵasyry ǵana emes, bilimniń dáýir­leý ǵasyry da, óıtkeni, ol qazirgi kez­de memlekettiń turaqty damýy men qaýip­sizdigin qamtamasyz etýde, sapasy men deńgeıin kóterýde aıryqsha mańyzdy ról atqarady. Elimizde ýaqytpen úndes júzege asyrylyp jatqan kóptegen jańarýlar men jańǵyrýlar úrdisiniń kóshbasshysy bola otyryp, memleketti, onyń negizgi baılyǵyn quraýshy kúsh – qazaqstandyqtardy jańa sapaly deńgeıge kóterýdi murat tutqan «Qazaqstan-2050» Strategııasyn júzege asyrý tetikteri osy jolǵy «Qazaqstan jo­ly – 2050: bir maqsat, bir múdde, bir bola­shaq» atty Joldaýda arnaıy taldandy. Qazaq­stannyń halyqaralyq arenadaǵy orny onyń geografııalyq, saıası-ekonomıkalyq áleýetimen ǵana emes, rýhanı-áleýmettik jaǵ­daıymen de erekshelenetin bolýy kerek­tigi týraly basa aıtqan N.Nazarbaev sózi áleýmettik sala qyzmetkerlerimen qatar, jo­ǵary mektep pedagogtaryna da úlken oı saldy. Taraz memlekettik pedagogıkalyq ınstıtýtynyń ujymy adamı kapıtaldy óristetýge baǵyttalǵan osy Joldaýdy bilim qýaty arqyly qoǵamdy áleýmettik jańǵyrtý joly retinde tanıdy.

Mahabbat OSPANBAEVA,

Taraz memlekettik pedagogıkalyq ınstıtýty

pedagogıka fakýltetiniń dekany.