Soltústik Qazaqstan oblysynda shákirtiniń mańdaıyna «ekilik» jazǵan ustaz jazaǵa tartyldy. Bul týraly «Qazaqstan» telearnasy habarlady.
Esterińizde bolsa, ótken jyly Jambyl aýdany Baýman atyndaǵy orta mektepte algebra pániniń muǵalimi Qymbat Ásimjanova barlyq oqýshylardyń kózinshe 7 synyp oqýshysynyń shashyn túbinen qıyp tastap, mańdaıyna qalammen «ekilik» dep jazyp, óshirmeýdi talap etken bolatyn. Mundaı keleńsizdiktiń oryn alýyna oqýshynyń kóbeıtý kestesin bilmegeni sebep bolǵan kórinedi. Osyǵan baılanysty balanyń ata-anasy muǵalimdi sotqa berip, 1 mln. teńge moraldyq shyǵyn óndirýdi talap etti. Alaıda, isti qaraǵan sýdıa aıypkerdiń júkti ekenin eskerip, shartty túrde jaza taǵaıyndady.
«Sottyń sheshimimen oǵan shartty túrde 1,5 jyl bas bostandyǵynan aıyrý jáne 2 jyl pedagogıkalyq jumystarmen aınalysýdan shektetý týraly jaza taǵaıyndaldy. Sýdıa isti qaraý barysynda onyń júktiligin, osyndaı qylmysqa birinshi ret barǵanyn jáne jaqsy minezdemelerin eskerdi», - dedi oblystyq sottyń baspasóz hatshysy Dınara Tóleńgitova.
Ámirhan Almaǵanbetov.
Derekkóz: «Qazaqstan» telearnasy.
Foto: Vesti.ru.