Elimizde jyl saıyn 500 myń tonnaǵa deıin qaǵazdar men kartondar, 300 myń tonna shyny, 200 myń tonna metall, 500 myń tonna plastmassa sııaqty turmystyq qatty qaldyqtar «qoqysqa» shyǵarylady eken. Endi budan bylaı mundaı resýrstardy ekinshi ret paıdalaný múmkindigi týǵaly tur. Bul týraly keshe Úkimet otyrysynda aıtyldy.
Elimizde jyl saıyn 500 myń tonnaǵa deıin qaǵazdar men kartondar, 300 myń tonna shyny, 200 myń tonna metall, 500 myń tonna plastmassa sııaqty turmystyq qatty qaldyqtar «qoqysqa» shyǵarylady eken. Endi budan bylaı mundaı resýrstardy ekinshi ret paıdalaný múmkindigi týǵaly tur. Bul týraly keshe Úkimet otyrysynda aıtyldy.
Premer-Mınıstr Serik Ahmetovtiń tóraǵalyǵymen ótken keshegi Úkimet otyrysynda turmystyq qaldyqtar júıesin jańǵyrtý baǵdarlamasy maquldanǵan bolatyn. Ony talqylaý barysynda Úkimet basshysy elimizde qaldyqtardy óńdeıtin zaýyttar joq deýge bolatynyn, sonymen qatar bul salany retteıtin quqyqtyq negiz de qalyptaspaǵanyn, endi atalǵan jańa baǵdarlama osy máselelerdi sheshýge baǵyttalǵanyn atap ótti. Premer-Mınıstrdiń bul sózin baǵdarlama jaıynda baıandama jasaǵan Qorshaǵan orta jáne sý resýrstary mınıstri Nurlan Qapparov ta quptady. Ol bul baǵdarlama turmystyq qatty qaldyqtardy joǵary deńgeıde basqarýǵa qol jetkizýge, sonymen birge «jasyl ekonomıka» kýrsy negizderi men qaǵıdattaryn saqtaı otyryp, osy sektordy bıznes pen jeke qurylymdar úshin tartymdy etýge múmkindik beretinin málimdedi.
«Taýarlar men qaptamalardyń óndirýshileri nemese ımporttaýshylaryna zattar paıdalanylǵannan keıin olardy jınaý men qaldyqtardy qaıta óńdeýdi zańnamalyq túrde bekitý kerek», degen mınıstr óndirýshilerdiń jaýapkershiligin kúsheıtý ustanymy qaldyqtardyń barlyq túrlerine qatysty bolmaıtynyn da aıtyp ótti. Álemdik tájirıbede óndirýshilerdiń jaýapkershiligin kúsheıtý ustanymdary eski avtokólikterge, paıdalanylǵan shınalarǵa, akkýmýlıatorlar men batareıalarǵa, qaptamalarǵa qatysty, deıdi ol.
2050 jylǵa deıin sozylatyn atalmysh baǵdarlama 3 kezeńde júzege asyrylady. Bul kezeńder tosynnan paıda bolǵan joq. Atalǵan merzim Qazaqstan Respýblıkasynyń «jasyl ekonomıkaǵa» kóshýi jónindegi tujyrymdamada, sondaı-aq, «Qazaqstan-2050» Strategııasynda kórsetilgen.
«Baǵdarlamanyń negizgi maqsatty ındıkatorlary turmystyq qatty qaldyqtardy ýaqytynda shyǵarýdy qamtamasyz etý úshin konteınerler men qoqys tasymaldaýshy tehnıkalar parkin jańartý jolymen turǵyndarǵa qyzmet kórsetý aýqymyn arttyrý bolyp tabylady. Sondaı-aq, bıologııalyq tez buzylatyn qaldyqtardy jeke jınaýdy engizý, qaptalǵan qaldyqtardy jınaý, qaýipti turmystyq qaldyqtardy jınaý men qaıta jaratý júıesin engizý, 2050 jylǵa deıin sanıtarlyq polıgondar úlesin 100 paıyzǵa deıin kóbeıtý, sondaı-aq qaldyqtardan «jasyl» energııa óndirý deńgeıin arttyrý máselesi bolady», dedi mınıstr.
N.Qapparov baıandama barysynda turmystyq qaldyqtardy jınaý jáne qaıta óńdeýge jeke sektordy tartý qajettigin de aıtyp ótti. «Bul salaǵa jeke sektordy tartý boıynsha álemdik statıstıka saraptamasy onyń qatysý úlesiniń zor ekendigin kórsetip otyr», dedi ol. Mınıstrdiń aıtýynsha, jeke sektor memlekettik qurylymdarǵa qaraǵanda barynsha tıimdi ekendigin kórsetken. Memleket-jekemenshik seriktestigi tetikterin paıdalaný jeke sektordy atalǵan qyzmet salasyna tartýǵa, memlekettik jáne jeke ınvestısııa arasyndaǵy úılestirý tetikterin jetildirý ári uıymdastyrý qurylymdaryn reformalaýǵa múmkindik beredi.
Mınıstr turmystyq qatty qaldyqtardy basqarý júıesin jańǵyrtýǵa qajetti qarjy somasymen de bólisti. Baǵdarlamanyń ilki kezeńi úshin 52 mlrd. teńge kólemindegi bıýdjet shyǵystary josparlanyp otyrǵanyn jetkizdi. Bul soma qazirdiń ózinde respýblıkalyq bıýdjettik komıssııa tarapynan qoldaý tapqan. Sondaı-aq, 2020 jylǵa deıin shamamen 75 mlrd. teńge somasynda jeke ınvestısııa tartý josparlanǵan. Bul jalpy shyǵystardyń 60 paıyzyn quraıdy.
N.Qapparovtyń atap ótýinshe, jalpy kólemi 127 mlrd. teńgeni quraıtyn bul qarjy shyǵystardyń 4 sanaty boıynsha paıdalanylady. Atalǵan sanattar mynalar: bıologııalyq ydyraıtyn qaldyqtardy bólek jınaýdy engizý, turmystyq qatty qaldyqtardy der ýaqytynda shyǵarýdy qamtamasyz etý úshin konteınerler men qoqys shyǵaratyn kólikter parkin jańǵyrtý, jańa polıgondar salý, turmystyq qatty qaldyqtardy qaıta óńdeıtin zaýyt salý.
Máseleni túıindeı kele, Úkimet basshysy birqatar tapsyrmalar berdi. «Atalǵan máseleler eki jyl ishinde talqylanǵan bolatyn. Búgin biz bul baǵdarlamany qabyldaý máselesin qarastyryp otyrmyz. Atalǵan máselelerdi maquldap, Qorshaǵan orta jáne sý resýrstary mınıstrligine tıisti qaýly jobasyn Premer-Mınıstr Keńsesine bekitilgen tártipte engizýdi usynamyn», dedi S.Ahmetov.
Keshegi Úkimet otyrysynda sondaı-aq, qujat aınalymyn qysqartý jáne aqparattar tasqynyn ońtaılandyrý sharalary da talqylandy. Onda memlekettik organdar tıimdiligin arttyrý, biryńǵaı elektrondy muraǵattar júıesin qurý, memlekettik basqarý men josparlaý júıesin jetildirý boıynsha naqty usynystar qaraldy. Taqyrypqa oraı Premer-Mınıstr Keńsesiniń basshysy E.Qoshanov pen Kólik jáne kommýnıkasııalar mınıstri A.Jumaǵalıev esepti baıandama jasady. Talqylaý qorytyndysynda «Bizdiń ortaq mindetimiz – qujat aınalymyn barynsha qysqartý boıynsha Memleket basshysynyń tapsyrmasyn oryndaý», dep atap kórsetti S.Ahmetov. Premer-Mınıstr memlekettik organdarǵa 1 naýryzǵa deıin birin-biri qaıtalaıtyn qujattarǵa qatysty baqylaý týraly barlyq tapsyrmalaryna tekseris júrgizý jáne olardy baqylaýdan alý boıynsha usynystar engizý jónindegi tapsyrma berdi.
Dınara BITIKOVA,
«Egemen Qazaqstan».