Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna arnaǵan Joldaýyndaǵy máselelerdi iske asyrý barysynda Shymkent qalasy densaýlyq saqtaý júıesiniń tıimdiligin arttyrýda, dep habarlaıdy Egemen.kz.
Osy baǵytta Shymkent qalasynda 2025 jylǵa deıin 1 myń tósek oryndyq aýrýhana salynyp, 10 medısınalyq mekemeniń qurylysy júrgiziledi. Qala ortalyǵynan shalǵaıda ornalasqan aýmaqtarda 12 dárigerlik ambýlatorııanyń qurylysy bastalady.
Búginde 36 medısınalyq uıymnyń materıaldyq bazasy jańartylǵan. 6 medısınalyq uıymnyń ǵımarattary kúrdeli jóndeý jumystarynan ótkizilgen. Densaýlyq saqtaý júıesiniń tıimdiligin arttyrý maqsatynda jyl saıyn 300 myńnan astam skrınıngtik zertteýler júrgiziledi. Dári-dármekpen qamtamasyz etý qarajaty artady.
«Prezıdent otandyq dári-dármek pen qural-jabdyqtyń úlesin 17 paıyzdan 50 paıyzǵa jetkizý mejesin belgiledi. Qalada farmasevtıkalyq klaster damyǵan. Medısına jabdyqtarynyń óndirisi de qolǵa alyndy. Bul kórsetkishke qol jetkizýge megapolıstiń áleýeti jetedi dep senemiz», dep jazady qala ákimdiginiń baspasóz qyzmeti.