Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly Qajylar qaýymdastyǵynyń ókilderin jáne qajylyq kompanııa basshylaryn uly sapardy tabys kózine aınaldyrmaýǵa shaqyrdy.
Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyuly Qajylar qaýymdastyǵynyń ókilderin jáne qajylyq kompanııa basshylaryn uly sapardy tabys kózine aınaldyrmaýǵa shaqyrdy.
QMDB tóraǵasy múftııatta ótken basqosýda Qazaqstan qajylary qaýymdastyǵyna, fırma jetekshilerine qajylyq saparyn jetildirý jumystaryna qatysty birneshe máseleni sheshýge pármen berdi. Atap aıtsaq, birinshiden, qajyǵa baratyn otandastarymyzdy jappaı saýattandyrý, olarǵa aǵartýshylyq baǵytta túsindirme jumystaryn júrgizý. Ekinshiden, jerlesterimizdi Dinı basqarmanyń dinı ádebıetterimen qamtamasyz etý. Úshinshiden, qajylyqty tabys kózine aınaldyrmaý, kerisinshe, saýapqa kenelýdi kózdeý. Tórtinshiden, qaıyrymdylyq baǵytta qarjylyq múmkindigi shekteýli azamattardy qajylyqqa tegin aparý. Besinshiden, halyq arasynda ulyq sapardyń máni men mańyzyn túsindirý úshin arnaıy kezdesýler, fılmder, beınerolıkter shyǵarý.
«Qajylyqty nasıhattaý jumysy jandansa, halqymyz Allanyń úıi – Qaǵbaǵa barýǵa yqylas tanytady. Qajylyq – teńdessiz saýapqa keneletin sapar. Sondyqtan buǵan asa jaýapkershilikpen qaraýymyz kerek. Iman jolyna túse almaı júrgen qanshama baýyrlarymyz qajylyqtan keıin jańa ómir bastaıdy. Minezi túzelip, ımany artady. Biz osyǵan mán berýge tıispiz. Qajylyq tabys tabý emes, ol saýapqa bólený. Osyny oılaıyq», – dedi Erjan qajy Malǵajyuly.
Qazaqstan qajylary qaýymdastyǵynyń ókilderi Bas múftıdiń bul bastamasyn qoldaıtynyn jetkizdi. Bul ıgi is-sharalar QMDB-nyń qajylyq bólimimen birlese atqarylatyn bolady.
Aǵabek QONARBAIULY,
QMDB baspasóz hatshysy.