Osydan dál 33 jyl buryn, naqtylap aıtsaq, 1988 jyldyń 17 qyrkúıeginde Ońtústik Koreıanyń astanasy – Seýlde XXIV jazǵy Olımpııa oıyndarynyń alaýy tutandy.
2 qazanǵa deıin sozylǵan aıtýly jarys KSRO sportshylarynyń aıqyn jeńisimen aıaqtaldy. Olar 51 altyn, 35 kúmis jáne 46 qola medal ıelenip, jalpy esepte jeke dara kósh bastady. Sol juldyzdy komandanyń sapynda Qazaqstannyń da órenderi óner kórsetip, tolaǵaı tabysqa qol jetkizdi. Atap aıtsaq, sporttyq gımnasshylar saıysynda Valerıı Lıýkın qos altyn men qos kúmis aldy. Onyń komandalyq áriptesi Vladımır Novıkov, jelmen jarysqan jelaıaqtar Vıtalıı Savın men Vladımır Mýravev, ziltemirshi Anatolıı Hrapatyı, voleıbolshy Elena Chebýkına men Olga Krıvosheeva, basketbolshy Valerıı Tıhonenko, fýtbolshy Evgenıı Iаrovenko da Olımpıada chempıony atandy. Balýan Dáýlet Turlyhanov kúmispen kúptelse, vaterpolshy Sergeı Kotenko men Nurlan Meńdiǵalıev, syryqpen sekirýshi Grıgorıı Egorov, júzýshi Konstantın Petrov jáne basketbolshy Irına Gerlıs qola medaldi moıyndaryna ildi.
Jalpy komandalyq esepte GDR quramasy (37 altyn+35 kúmis+30 qola) ekinshi oryndy oljalasa, úzdik úshtikti AQSh-tyń sportshylary (36+31+27) qorytyndylady.