Reseılik «R-Farm» farmasevtıkalyq kompanııasy eksporttyq maqsattar úshin Oksford ýnıversıtetimen AstraZeneca lısenzııasy boıynsha koronavırýsqa qarsy vaksına shyǵara bastady. Bul týraly Reseı Indýstrııa jáne saýda mınıstrligi basshysynyń birinshi orynbasary Vasılıı Osmakov habarlady, dep jazady Egemen.kz RIA Novostıge silteme jasap.
«Reseıde sheteldik vaksınalar shyǵarylýda, AstraZeneca R-Farm-da eksporttyq kelisimsharttar arqyly jasalady. Ishki naryqqa keletin bolsaq, biz óz ónimderimizben tolyq kólemde qamtyldyq. Bolashaqta bári múmkin, ásirese, qazirgi suranys tolqynynda biz óz óndiristerimizben jumys isteımiz», dedi Osmakov.
R-Farm bas dırektory Vasılıı Ignatev kompanııa maýsym aıynda Oksford ýnıversıteti men AstraZeneca lısenzııasy boıynsha koronavırýstyq vaksınanyń alǵashqy partııasyn shyǵarýdy josparlap otyrǵanyn aıtty. Ol Reseıde «R-Farm» óndiristik qýattylyqtarynda shyǵarylatyn «R-Kovı» vaksınasynyń birneshe júz myń danasy aı saıyn eksportqa shyǵarylatynyn atap ótti.