Almatyda tórt qabatty turǵyn úıden shyqqan órt oqshaýlandy. Bul týraly Tótenshe jaǵdaılar departamenti málim etti, dep habarlaıdy Egemen.kz.
Almaty qalalyq Tótenshe jaǵdaılar departamentiniń málimetine sáıkes, órt sóndirýshiler N. Nazarbaev dańǵyly 124 mekenjaıynda tórt qabatty úıden shyqqan órtti oqshaýlady.
Aldyn ala boljam boıynsha órt 1500 sharshy metrdi sharpydy. Turǵyndar der kezinde evakýasııalandy. Zardap shekkender joq. О́rttiń shyǵý sebebi ázirge belgisiz.
«О́rt oqshaýlandy, úshinshi, ekinshi, birinshi qabatty órtten aman alyp qaldy. Sondaı-aq qazir úıindilerdi alyp tastaý jáne sý tógý jumystary júrgizilýde. Jan-jaqtan tórt jaýynger ýchaske qurylyp, barlyq perımetr boıynsha 14 ámbebap órt sóndirý oqpandary engizildi», dedi qalalyq TJD resmı ókili Gúldana Nurymbetova.