Aýyl áıelderine kásipkerlik negizderin oqytady

Az qamtylǵan jáne kópba­laly otbasylardy qol­daý­dyń memlekettik baǵdar­la­malarynyń erejelerine sáıkes tegin oqytýdan ótetin áıel­der avtomatty túrde az qam­tylǵandar mártebesin jo­ǵal­tady jáne osyǵan baılanysty aı saıynǵy azyq-túlik jıyntyǵy, sondaı-aq mektep pen sport formasyna arnalǵan chek sııaqty kómek túrlerinen aıyrylady. Atalǵan jobanyń ereksheligi – ataýly áleýmettik kómekten (AÁK) aıyrmaı, áıelderdiń áleýmettik osal toptaryna qoldaý kórsetý.

Áıelder kýrsqa úlken qy­zy­­ǵý­shylyq tanytty. Nıet bil­dirý­shilerdiń ótinim­de­ri kon­­kýrstyq negizde irik­tel­di. Búgingi tańda kýrsqa qaty­sý­shylardyń sany 41 adamdy quraıdy, bir otbasynyń birneshe múshesi qatysqan jaǵ­daı­lar bar, olardyń basym kóp­shiligi – eresek qyzdary bar analar.

Kýrsqa qatysýshylardyń biri – «Altyn alqa» ıegeri, 10 balanyń anasy Áıgerim Sádýa­qasova. Ol joba aıasynda ótip jatqan «Bıznes konsýltasııa» kýrsynda birneshe áleýmettik baǵdarlanǵan kompanııalardan grant alýdyń qosymsha múmkindikteriniń bar ekendigi týraly bildi. Atap aıtqanda, Almaty obly­synyń kásipkerlik jáne ın­dýs­trııalyq-ınnovasııalyq da­mý basqarmasynan 2-5 mln teńge mólsherinde qarjy alýǵa múmkindik bar. Áıgerim ju­baıymen birge «Eńbek» baǵ­darlamasy boıynsha 505 myń teńge mólsherinde qaıta­rym­syz grantty jeńip aldy.

Áıgerim otbasymen birge úıde kıim jóndeýmen jáne tigýmen aınalysýǵa nıetti. Bul kýrs oǵan kıim tigý daǵdy­la­ryn ıgerýge tamasha múm­kindik beredi. Kópbalaly ana retinde ol balalaryna 10 dana úı kıimin óz qolymen tigý ar­qy­ly otbasylyq bıýdjetti aı­tar­lyqtaı únemdeıtinin biledi.

Jobany iske asyrý bary­syn­da joba komandasy Es­keldi aýdany ákimdigimen kelis­­sózder júrgizdi. Kezdesý bul jobanyń jumyssyz áıel­der­ge arnalǵan áleýmettik kómek ortalyǵyna aınalýy múm­kin ekenin kórsetti. Ákim­dik oqytý kýrstaryn júr­gizý úshin ǵımarat bóldi, ol «Atameken» О́KP aýdan­dyq ókildigimen, sondaı-aq aýdan­dyq jumyspen qamtý orta­lyǵymen bir ǵımaratta orna­lasqan. Ákimdikpen seriktestik arqyly joba komandasy joba­nyń maqsattary men min­det­te­rin keńeıtti.

Sondaı-aq ákimdik aza­mat­tardyń áleýmettik osal sanattaryn aqparattyq qol­daý sharalary boıynsha, onyń ishinde Egov.kz elektrondy úki­met­pen jumys boıynsha tegin aqparattyq kabınet ashty. Bul shara qaty­sý­shy­larǵa, sondaı-aq basqa áıelderge kásipkerlik qyzmetpen aınalysý úshin óz múmkindikterin obektıvti ba­ǵa­laýǵa múmkindik beredi.

«AÁK jelisi boıynsha ne­gizgi qoldaýdan aıyrmaı qol­daý kórsetile bastaǵany bizdi qýantady. Bul bizge aıaq­qa turýymyzǵa múmkindik beredi», dedi Á.Sádýaqasova.