Permde JOO-ǵa kelip, jan-jaǵyna oq jaýdyrǵan I kýrs stýdenti Tımýr Bekmansurovtyń anasy qaıǵyly oqıǵaǵa qatysty alǵash ret pikir bildirdi, dep habarlaıdy Egemen.kz.
Anasy balasyn «úıdiń adamy edi, eshqaıda shyqpaıtyn, jamandyq jasamaıtyn» dep sıpattady.
Sońǵy ret áıel balasyn 20 qyrkúıek kúni tańerteń jumysqa ketip bara jatqanynda kóripti.
«Ol - óte tynysh, sabyrly bala. Kóbine úıde otyratyn. Biz eshqashan janjaldasqan emespiz. Qarym-qatynasymyz jaqsy bolatyn, jalpy ózi eshkimge qarsy kelmeıtin, tóbelesqumar bolǵan emes», dep túsindirdi ol.
Qazir bul otbasynyń páteri tintýge alynǵan.
Bir kún buryn Perm memlekettik ýnıversıtetinde jas jigit aınalysyndaǵylarǵa oq jaýdyryp, alty adamdy óltirdi. 28 zardap shegýshi medısınalyq kómekke júgindi, olardyń keıbireýleri ártúrli dárejedegi jaraqattarmen aýrýhanaǵa jatqyzyldy.