2021 jylǵy qańtar-shildede Qazaqstannyń kómir óndirýshi kompanııalary 62,8 mln tonna kómir aldy. 2020 jylǵy qańtar-shildege qaraǵanda bul kórsetkish 0,5%-ǵa az, dep habarlaıdy Egemen.kz Energyprom.kz-ke silteme jasap.
О́ńirlik bóliniste kómir óndirýdiń eń úlken kólemi dástúrli túrde Pavlodar oblysyna tıesili - 37,2 mln tonna, mınýs 2,3%.
Qaraǵandy (21,1 mln tonna) jáne Shyǵys Qazaqstan (4,2 mln tonna) oblystary da kósh basynda.
Jalpy, 2020 jyly elimizde 113,4 mln tonna kómir óndirildi, bul bir jyl burynǵyǵa qaraǵanda 1,4%-ǵa az. Sektorda «Bogatyr Kómir» JShS, «Maıkýben-Vest» JShS, «Shubarkól Kómir» AQ Eýrazııalyq tobynyń (ERG) quramyna kiretin «Angrensor Energo» JShS jáne basqa da kóptegen kompanııalar jumys isteıdi.
Jyl basynan beri tikeleı tas kómir óndirý jylyna 0,3%-ǵa, ıaǵnı, 58,2 mln tonnaǵa deıin qysqardy. Sonyń ishinde 7,9 mln tonna energetıkalyq kómir jáne 5,2 mln tonna koksteletin kómir óndirildi. Kómir konsentratyn óndirý 3,1%-ǵa, ıaǵnı, 2,3 mln tonnaǵa deıin, al lıgnıt (qońyr kómir) óndirý - 3,8%-ǵa, ıaǵnı, 2,3 mln tonnaǵa deıin qysqardy.
Qazaqstandyq kómirdiń basym bóligi nemese 80,1%-y TMD elderine jóneltildi. Munda Qazaqstan kómiriniń basty ımporttaýshysy Reseı boldy: 10,5 myń tonna - bir jyl burynǵyǵa qaraǵanda 4,3%-ǵa az. Qazaqstan da aıtarlyqtaı kólemdi Belarýske (1,2 mln tonna) jáne Ýkraınaǵa (491,7 myń tonna) jiberdi.
TMD quramyna kirmeıtin elderge 45,2 mln AQSh dollar somasyna 3,2 mln tonna qazaqstandyq kómir jóneltildi. Munda basty ımporttaýshy Shveısarııa boldy - 2,7 mln tonna. Sondaı-aq aıtarlyqtaı kólem Birikken Koroldikke (191,8 myń tonna) jáne Túrkııaǵa (150,6 myń tonna) jiberildi.