Bul týraly QR Prezıdenti Qasym-Jomart Toqaev aıtty, dep habarlaıdy Egemen.kz.
Qasym-Jomart Toqaev densaýlyq saqtaý problemalaryna arnaıy toqtaldy. Memleket basshysy oblysta ekpe salý jumysy óte baıaý júrip jatqanyn, eńbek ujymdary ekpeden jappaı bas tartyp otyrǵanyn, jergilikti jurttyń jartysyna jýyǵy medısınalyq qyzmettiń sapasyna rıza emes ekenin atap ótti. Prezıdent dárigerlerdiń jetispeýshiligin taǵy bir ótkir problema retinde kóterdi.
«О́ńirde 276 medısına mamany jetispeıdi. Sonyń ishinde emhanalarǵa 147 dáriger qajet. Sóıte tura, joldamamen kelgen jas mamandardyń 28 paıyzy ǵana áleýmettik qoldaýǵa ıe bolǵan. Bul esh qısynǵa kelmeıdi. Biz jas mamandardy jumysqa belsendi tartyp jatyrmyz. Biraq, olarǵa ýáde etken kómekti bere almaı otyrmyz. Aımaqqa qajetti barlyq medısına qyzmetkerlerine tolyq áleýmettik qoldaý kórsetýdi oblys ákimdigine tapsyramyn», dedi Qasym-Jomart Toqaev.
Sonymen qatar Memleket basshysy densaýlyq saqtaý júıesiniń ınfraqurylymy men materıaldyq-tehnıkalyq bazasyn jańartýdy mańyzdy mindet sanaıdy. Úkimet pen ákimdik osy máseleni sheshýi kerek.