Nur-Sultan qalalyq turǵyn úı jáne turǵyn úı ınspeksııasy basqarmasynyń basshysy Ánýar Saıpov elorda ákimdigi qala qajettiligi úshin 13 jer ýchaskesin 297 mln teńgege satyp alatynyn aıtty, dep habarlaıdy Egemen.kz.
«Nur-Sultan qalalyq turǵyn úı jáne turǵyn úı ınspeksııasy basqarmasy Nur-Sultan qalalyq máslıhatynyń qaraýyna 297 mln teńge somasyna jalpy aýdany 0,49 gektar 8 nysan boıynsha 13 jer ýchaskesin satyp alý jónindegi sharttyń jobasyn usynady. Jer ýchaskelerin satyp alý kelesi nysandar boıynsha júzege asady. Birinshi ýchaske - Kúmisbekov pen Qosshyǵululy kósheleriniń qıylysyndaǵy oryn-jaılary men parkıngi bar kóppáterli turǵyn úı qurylysy. Ekinshisi – Qudaıberdiuly dańǵyly boıynda 2/1 jáne 2/2 úıleri mańyndaǵy oryn-jaılary men parkıngi bar kóppáterli turǵyn úı qurylysyna arnalǵan ýchaske», dedi basqarma basshysy Nur-Sultan qalalyq máslıhatynyń kezekti sessııasynda.
Onyń aıtýynsha, úshinshi ýchaske Ýálıhanov kóshesinen Jıenqulova kóshesine deıingi aralyqta Dúkenuly kóshesin salý úshin qajet. О́ndiris turǵyn úı alabynda mektep salý úshin tórtinshi jer ýchaskesi qala muqtajdyǵyna alynady. Besinshi ýchaskede Bógenbaı batyr dańǵylynan Beısekova kóshesine deıin Saryarqa dańǵylynan salynady. Altynshy jáne jetinshi ýchaskelerde jol qurylysyn salý kózdelgen. Al Táýelsizdik dańǵyly men Sharl de Gol kóshesi qıylysyndaǵy segizinshi ýchaskede oryn-jaılary men parkıngi bar kóppáterli turǵyn úı salý josparlanyp otyr.
«Barlyq jer ýchaskeleriniń menshik ıeleri usynylǵan ótemaqy somasymen tanystyryldy. Jazbasha kelisimderi bar», dep naqtylady basqarma basshysy.