«Talıban» qozǵalysy ókilderi AQSh Aýǵanstan áýe keńistigin buzdy dep aıyptady, dep habarlaıdy Egemen.kz.
Bul týraly «Talıban» qozǵalysy ókili Zabıýlla Mýjahıd Twitter-degi paraqshasynda málimdedi.
«Aýǵanstan Islam Ámirligi - eldegi jalǵyz zańdy tulǵa retinde Aýǵanstan jeri men áýe keńistigin kúzetýshi. Biz jaqynda AQSh-tyń Aýǵanstan Islam Ámirligi egemendigin, sondaı-aq, bizdiń áýe keńistigimizge ushaqtaryn jiberý arqyly halyqaralyq quqyq normalaryn buzǵanyn kórdik. Bul jaǵdaıdyń aldyn alý kerek», dedi «Talıban» ókili.
Mýjahıd Vashıngtondy Doha kelisimin saqtaýǵa shaqyrdy. Onyń aıtýynsha, bolashaqta aýǵan bıligi el aýmaǵyna basyp kirý áreketin toqtatady.
«Biz barlyq eldi, ásirese AQSh-ty Aýǵanstanǵa halyqaralyq quqyqtar, zańdar men mindettemeler turǵysynan jáne ártúrli teris saldardyń aldyn alý úshin ózara qurmetpen qaraýǵa shaqyramyz», delingen «Talıban» málimdemesinde.
Buǵan deıin Aýǵanstandaǵy «Talıban» úkimeti halyqaralyq reısterdi qaıta bastaý týraly úndeý jarııalap, avıakompanııalarmen kelisip, Kabýl áýejaıyndaǵy máseleler sheshilgenin aıtqan.