Fransııanyń Overn – Rona – Alpi aımaǵynda 260-qa jýyq adam Pfizer kompanııasynyń merzimi ótip ketken vaksına dozalaryn aldy, dep habarlaıdy Egemen.kz France Bleu radıostansııasyna silteme jasap.
Aımaqtyq densaýlyq saqtaý basqarmasynyń (ARS) málimetteri boıynsha, jaramdylyq merzimi 5 qyrkúıekke deıin eritilgen vaksınalardyń bul partııasy 7-21 qyrkúıek aralyǵynda vaksınasııa úshin qoldanylǵan.
Radıostansııanyń aıtýynsha, osy dozalarmen egilgen vaksınalardyń ishinde Lýara departamentiniń jeti kolledjinen 100-ge jýyq oqýshy bolǵan.
Dárilik zattardyń qaýipsizdigi jónindegi ulttyq agenttik «buzylǵan» vaksınalarmen egilgen adamdardyń densaýlyǵy qalypty deńgeıde ekenin málimdedi, biraq olardyń tıimdiligine kepildik joq, deıdi radıostansııa. Degenmen, stýdentterge qaıta egilý usynylady, sebebi aldyńǵy vaksınasııa jaramdy bolyp sanalmaıdy.