Qazaqstanda búginnen bastap halyq sanaǵy dástúrli formatta ótedi. Intervıýerler úı-úıdi aralap, saýalnama júrgizedi. Bul osyǵan deıin onlaın sanaqtan óte almaǵandarǵa qatysty, dep jazady Egemen.kz.
Oflaın formattaǵy sanaq 30-shy qazanǵa deıin jalǵasady. Bul jumysqa 20 myńnan astam qyzmetker jumyldyryldy. Olardyń barlyǵy kovıdke qarsy vaksına alǵan. Árqaısysy arnaıy planshettermen qamtylǵan. Alynǵan barlyq aqparat Ulttyq statıstıka bıýrosynyń ortalyq serverine jiberiledi. Qyzmetkerler azamattardyń jeke deregin jarııa etpeýge mindetti. Olar kók oraýysh taǵyp, sanaq sımvoly bar portfel ustap júredi. Sonymen qatar, árqaısysynda tirkeý nómiri bar arnaıy kýálik bolýy tıis. Onyń túpnusqalyǵyn Sanaq.gov.kz saıtynan tekserýge bolady.
Aıta keteıik, 1-30 qyrkúıek aralyǵynda sanaq onlaın júrgizilip, odan 6 mıllıonnan astam adam ótti.