Densaýlyq saqtaý mınıstrligi Qazaqstanda eń kóp satylǵan dárilerdiń tizimin jarııalady, dep habarlaıdy Egemen.kz.
Densaýlyq saqtaý mınıstrliginiń málimetinshe, satylym boıynsha birinshi orynda – etıl spırti. Barlyǵy 4,1 mln birlik satylǵan. Ekinshi orynda natrıı hlorıdi – 2,1 mln birlik.
Úzdik úshtikke sondaı-aq qyzý túsiretin dári – parasetamol (1,75 mln birlik) kirdi. Tórtinshi orynda asetılsalısıl qyshqyly (1,5 mln-nan astam), al besinshi orynda muryn bitelýine qarsy qoldanylatyn nafazolın tur.
Suranys joǵary bolǵan dáriler qatarynda «Sıtramon P» (1,23 mln-nan astam) bar. Sondaı-aq úzdik ondyqqa menovazın (897 myń), tumaý men sýyq tııýge qarsy «TeraFlıý», belsendirilgen kómir (636 myń) jáne fýrasılın (623 myń) endi.
Tórt farmasevtıkalyq zaýyt salynady
Sıfrlyq tańbalaý aıasynda árbir dári qaptamasyna biregeı Data Matrix kody beriledi. Tutynýshy, dárihana nemese tekserýshi organ bul kod arqyly dáriniń túpnusqalyǵyn Naqty Onim mobıldi qosymshasy arqyly birden teksere alady.
Mınıstrliktiń málimetinshe, tańbalaý júıesi árbir dári qaptamasynyń óndirýshiden sońǵy tutynýshyǵa deıingi qozǵalysyn naqty ýaqyt rejıminde baqylaýǵa múmkindik beredi. Usynylǵan statıstıka dárihanalardaǵy bólshek saýdany kórsetedi. Sonymen qatar, bul júıe atalǵan dárilerdiń barlyǵy zańdy aınalymnan ótken túpnusqa ónim ekenin kepildeıdi.
Vedomstvonyń aıtýynsha, bul zańdy saýda aınalymynda jalǵan dárilerdiń satylýyn tehnıkalyq turǵydan múmkin emes etedi.
Shymkent farmasevtıkasyna 39,5 mlrd teńge ınvestısııa quıylady