Elimizde osy jyldyń 1 sáýirinde salymshylardyń jeke esepshottary men zeınetaqy jınaqtary Biryńǵaı jınaqtaýshy zeınetaqy qoryna aýdarylady. Bul is arnaıy keste boıynsha qolǵa alynǵaly otyr.
Respýblıkamyzda bıyl 60 myń jeńil kólik shyǵarylady. Osynyń negizinde jospardy 112 paıyzǵa jetkizýge múmkindik jasalmaq.
«QazTransGaz» AQ-tyń byltyrǵy taza tabysy 51 mlrd. teńgeni qurady. Bul rette eksportqa gaz ótkizý jónindegi jospar 115 paıyzǵa oryndalǵan.
Almaty qalasy aldaǵy bes jylda ınnovasııalyq damý ortalyǵyna aınalady. Ony júzege asyrý úshin joba ázirlendi.
Aqtóbe oblysyndaǵy kásipkerler palatasy janynan «Jańa dáýir kásipkerleri» klýby ashyldy. Onda jańa jobalardy rásimdeý jáne qarjylandyrý boıynsha jumys júrgiziledi.
Soltústik Qazaqstan oblysy ótken jyly qambaǵa 5,2 mln. tonna astyq quıdy. Endi jergilikti óńir ósim kóleminiń artýyna baılanysty 120 myń tonna astyq saqtaıtyn elevatordy iske qosýdy kózdep otyr.
Atyraý oblystyq aýrýhanasynyń dárigerleri alǵash ret laparaskopııalyq ádispen búırekke ota jasady. Arnaıy esepke alynǵan naýqastarǵa da osy tásil qoldanylady.
Mańǵystaý oblysynda jas otbasylarǵa páter kilti tabys etildi. Al jaqyn arada taǵy 200 jas otbasy jańa páterlerge qonystanady.
Egemen.kz habarlary men oblystyq ákimdikter saıttarynyń
materıaldary boıynsha daıyndaldy.