Qazaqstan Respýblıkasy Qarýly Kúshteriniń halyqaralyq yntymaqtastyq kelisimsharttaryn júzege asyrý men ony jetildire túsý egemen elimiz Qarýly Kúshteriniń áleýetin kóterýge ózindik úles qosyp keledi. Ásirese, áskerı bilim berý salasynda atqarylatyn mindetter kóp. Ol mindetter zamanaýı bilim berýdiń halyqaralyq standartqa saı bolýyn, oqytýdyń jańa tehnologııalaryn, ádisteri men tásilderin jańartý men jetildirýdi kózdeıdi.
Osyndaı mindetterdi júzege asyrýdyń bir aıǵaǵy, 2014 jyldyń 28-31 qańtary aralyǵynda Qurlyq áskerleri áskerı ınstıtýtyna Ulybrıtanııanyń Qazaqstandaǵy áskerı attashesi, podpolkovnık Devıd Harrıson men Brıtanııa keńesiniń Ortalyq Azııa aımaǵyndaǵy ókili Nıkolas Fletcher keldi. Bul sapar ekijaqty yntymaqtastyq kelisimshart boıynsha josparlanǵan baǵdarlama negizinde júzege asty.
Olardyń kelý maqsaty Qurlyq áskerleri áskerı ınstıtýtynyń oqytýshylaryna kýrsanttardy aǵylshyn tilinde oqytý barysynda ádistemelik sabaqtar ótkizý, shet tilin oqytý ádisteri men tásilderi boıynsha oı almasý, aǵylshyn tilinen NATO “STANAG-6001” standartyna saı test tapsyrmalaryn qurastyrý jáne ony synaqtan ótkizý boldy.
Ulybrıtanııanyń áskerı attashesi ınstıtýt bastyǵynyń oqý jáne ǵylymı jumystary jónindegi orynbasarynyń mindetin ýaqytsha atqarýshy polkovnık V.Mambetalıev myrza men Eýropa tilderi kafedrasynyń bastyǵy, kapıtan J.Bısenbaeva hanymmen aǵylshyn tiliniń halyqaralyq standartqa sáıkes test túrlerin, tildi jetildirý baǵdarlamalaryn, oqýlyqtar mazmuny men ınstıtýttaǵy aǵylshyn tili oqytýshylarynyń oqý úderisterine qajetti ádistemelik materıaldar mazmunyn talqylady.
Sondaı-aq, josparlanǵan baǵdarlama boıynsha N.Fletcher eki kafedranyń aǵylshyn tili oqytýshylarymen tórt kún ádistemelik semınar ótkizdi. Semınarlar barysynda kýrsanttar aǵylshyn tilin úırenýde qoldanylatyn leksıka-grammatıkalyq jattyǵýlar, áskerı termınologııany úıretýge negizdelgen mátinder men jattyǵýlar jáne áskerı tehnıkalardyń aǵylshyn tilindegi ataýlaryn úıretý boıynsha tapsyrmalardyń mazmunyna oraı tájirıbelik turǵyda oı almasty.
Nurqanat SOPBEK,
leıtenant, Qurlyq áskerleri áskerı ınstıtýty
Eýropa tilderi kafedrasynyń oqytýshysy.