Sıngapýrda robot-polıseı iske qosyldy. «Haver» esimdi qultemir, qala kósheleri men ǵımarattaryndaǵy tártiptiń saqtalýyn qadaǵalaıdy, dep habarlaıdy Egemen.kz.
Innovasııalyq quraldy eldiń Ǵylym jáne tehnologııa agenttigi jasap shyǵarǵan. Tórt dóńgelekpen qozǵalatyn robot-polıseıdiń jeti kózi, ıaǵnı kamerasy bar.
Bılik ókilderiniń aıtýynsha, osyndaı 2 qultemir qyrkúıek aıynda jumysqa kirisken. Saqshy robottar «motosıkldi jolǵa qoımańyz», «jaıaý júrginshige jol berińiz» degen sııaqty eskertýlerdi daýystap aıtyp júredi. Sondaı-aq «Haver» ruqsat etilmegen orynda temeki shekpeý jáne araqashyqtyq saqtaý, kóp adam jınalmaý týraly, koronavırýs talaptarynyń saqtalýyn da baqylaıdy.
Uıymdastyrýshylardyń málimdeýinshe, aldaǵy ýaqytta robot-polıseıdiń sany kóbeıýi múmkin.