Astanadaǵy Táýelsizdik saraıynda «Otbasym» ulttyq qundylyqtar ortalyǵynyń tusaýkeser rásimine arnalǵan shara ótti. Atalǵan shara myń buralǵan qazaq bıimen ashyldy.
«Búgingi ótkizilip otyrǵan ıgi shara barshamyzdyń otbasymyzǵa, ushqan uıamyzǵa degen qurmetimiz» dep bilemin. Otbasynyń eń basty paryzy ulaǵatty urpaq tárbıeleý. Sondyqtan ulttyq komıssııanyń janynan halqymyzdyń salt-dástúrin nasıhattaıtyn «Otbasym» ortalyǵyn qurý sheshimi qabyldanǵan-dy. Búgin biz óz qyzmetin bastaǵan ortalyqtyń alǵashqy qadamyna sát-sapar tilep otyrmyz», dedi jıynnyń ashylý saltanatynda sóz alǵan Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Mahabbat Bekbosynova.
Tusaýkeser baǵdarlamasyna oraı qazaqtyń «Qyz uzatý» jáne «Kelin túsirý» dástúrlerinen kórinister usynyldy. Sonymen qatar, tanymal otandyq dızaıner Aıdarhan Qalıevtiń «Uly dala arýlary» atty biregeı toptamasy jıylǵan jurt nazaryna usynyldy.
О́nertaný ǵylymdarynyń kandıdaty, dosent A.Qalıev «Asyl-Dızaın» sán úıiniń negizin qalaýshy ári bas dızaıneri. Onyń avtorlyq toptamalary alys-jaqyn shetelderde ótken dúnıejúzilik jáne halyqaralyq kórmeler men forýmdarda Qazaq eli atynan usynylǵan. Sondaı-aq, ol alpystan asa ımıdjdik jáne maýsymdyq toptamalardyń da avtory eken.
««Otbasym» bul – ulttyq qundylyqtardy jańǵyrtý men nasıhattaý isine jumys isteıtin qoǵamdyq uıym. Sonymen birge, qazaqstandyq otbasy úshin halqymyzdyń mádenı murasyn damytýǵa úles qosý ekenin de aıta ketsek deımiz.
Ábdirahman QYDYRBEK,
«Egemen Qazaqstan».